ბრაზილიის ნაკრებისა და პსჟ-ის ტრავმირებული ლიდერი ნეიმარი, შესაძლოა, 17 მაისს დაუბრუნდეს მოედანს, რაც იმას ნიშნავს, რომ იგი მსოფლიო ჩემპიონატისთვისაც მოასწრებს მომზადებას.

პსჟ-ის ბრაზილიელ ლეგიონერს, რომელიც ზაფხულში ყველაზე ძვირადღირებული ფეხბურთელი გახდა, ოპერაცია მას შემდეგ გაუკეთდა, რაც 25 თებერვალს ფეხზე ტრავმა მიიღო.

"თუ არ ვცდები, თამაში 17 მაისიდან უნდა შევძლო. ჩემი გამოჯანმრთელების პროცესი კარგად მიმდინარეობს. ბევრი უნდა ვიმუშაო, რადგან საოცნებო მსოფლიო ჩემპიონატი ახლოვდება. ამას ოთხი წლის განმავლობაში ველოდი".

"ცხადია, ვფიქრობდი, რომ მსოფლიო ჩემპიონატს უკეთეს მდგომარეობაში შევხვდებოდი. ვიცი, ჩემ მიმართ ეჭვები არსებობს და ეს ეჭვები მეც მაწუხებს, თუმცა ეს ნორმალურია, რადგან კარიერაში პირველად გავიკეთე ოპერაცია", - განაცხადა ნეიმარმა.