ბოლო წლებში Balenciaga მსოფლიო მოდის ერთ-ერთი ყველაზე პოპულარული ბრენდი გახდა. დემნა გვასალიამ მოდის სამყაროში განსხვავებული სიტყვა თქვა და მისი კოლექციები უფრო და უფრო პოპულარული ხდება. ყველას უნდა, მოდურად გამოიყურებოდეს და ამაში გასაკვირი არაფერია, თუმცა Balenciaga-ს პროდუქცია საკმაოდ ძვირი ღირს და ორიგინალის შეძენა საზოგადოების დიდ ნაწილს არ შეუძლია.

რაც უფრო იმატებს ინტერესი Balenciaga-ს მიმართ თბილისში, მით უფრო მრავლდება ბაზრობაზე მისი ყალბი ვერსიებიც და ზოგიერთი მათგანი ძალიან სახალისოც კია.

1. BELAREWANG - შავი

გამყიდველები ეცდებიან, დაგარწმუნონ, რომ ფეხსაცმელი "ნაღდი ორიგინალია" და თქვენ ამ საქმეში არაფერი გაგეგებათ.

ფოტო: On.ge

2. BALECNAIGA - თეთრი

ბალესნაიგა - რა მარტივია ბრენდისთვის სახელის შეცვლა, არა? მის შემქმნელს მარტივი გათვლა ჰქონდა. მცირე ცვლილება თითქოს რთულად შესამჩნევია და სისწრაფეში შეიძლება შემოგეყიდოთ კიდეც, მაგრამ...

ფოტო: On.ge

იმედია, სატყუარას არ წამოეგებით

3. BALECNAIGA - გაურკვეველი ფერი

ამ სრულიად უნიკალურ მოდელს, სხვა ფერებშიც აქვს არჩევანი.

ფოტო: On.ge

4. EALBNOIAGA - ნაღდი ორიგინალებია, შვილებს ვფიცავარ

ორი რამ მაკვირვებს ამ ცხოვრებაში. ვარსკვლავებით მოჭედილი ცა და Balenciaga-ს გზა EALBNOIAGA-მდე.

ფოტო: On.ge

გამყიდველები ამბობენ, რომ ეს ნაღდი ეალბნოიაგებია და ის მეორე, ბალესნაიგა რომ ეწერა, სულ სხვა ფეხსაცმელია, საერთო ერთმანეთთან არაფერი აქვსო.

5. BELAREWANG - თეთრი

თქვენ გგონიათ, ბელარევანგების მხოლოდ ერთი ვერსიაა?

ფოტო: On.ge

ნურას უკაცრავად. თქვენ ოღონდ ფერი თქვით და როგორს არ აღმოაჩენთ - ღია წაბლისფერი, ფორთოხლისფერი, ჭაობისფერი და სხვ.

6. BELAREWANG - ვარდისფერი

ასეთი არჩევანიცაა, თუ გინდათ...

ფოტო: On.ge

7. BALABCDGA - მორზეს ანბანი

ამ ფეხსაცმელის ბრენდის სახელი საოცრად ჰგავს იმ ასოთა იმ უაზრო თანმიმდევრობას, რომელსაც სურათს ვარქმევთ, როცა დესკტოპზე მისი შენახვა გვინდა.

ფოტო: On.ge

აბა, სხვანაირად როგორ შეიძლება ავხსნათ BALABCDGA?

სინამდვილეში, ასე გამოიყურება Balenciaga-ს ორიგინალი Triple S Trainers.

ფოტო: Balenciaga