საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია მესტიის მუნიციპალიტეტში წყლის გამწმენდ ნაგებობებს აშენებს.

წყალმომარაგების კომპანიის ცნობით, ინფრასტრუქტურული პროექტი წყლის გამწმენდი ნაგებობის, 2 ახალი რეზერვუარისა და წყლის მაგისტრალური მილსადენის მშენებლობას გულისხმობს.

ინფრასტრუქტურული სამუშაოებისთვის აზიის განვითარების ბანკმა 21 მილიონ ლარზე მეტი ფინანსური რესურსი გამოყო. კომპანიის ინფორმაციით, მშენებლობა 2016 წლის დეკემბერში დასრულდება.

წლების განმავლობაში მესტიის მოსახლეობის ნაწილს წყალი გრაფიკით მიეწოდებოდა, ხოლო პროექტის დასრულების შემდეგ, მესტიაში მცხოვრები ათასამდე ოჯახი და ასევე, იქ ჩასული ტურისტები 24 საათიანი წყალმომარაგებით იქნებიან უზრუნველყოფილნი.

წყალმომარაგების კომპანიის ცნობით, პროექტის ფარგლებში ასამდე ადგილობრივი მოსახლე დასაქმდა.