ეს ამბავი 22 წლის გრეის ლიზე და მის დედაზე, შექსია უანზეა. გრეისი ნიუ-იორკში ბიოლოგიას ასწავლის, დედა კი მკვლევარია, ტეხასში ცხოვრობს და სიმსივნის გამომწვევ მიზეზებს სწავლობს.

გასულ პარასკევს, ლიმ დედას უთხრა, რომ თავი სტკიოდა და თავს ცუდად გრძნობდა.

"იმ დღეს გვიანობამდე მუშაობას ვაპირებდი. დაახლოებით 5-ის ნახევარზე, გრეისმა მომწერა, რომ კარგად არ იყო. დავურეკე, ის თავის დღის ამბებს მომიყვა და მითხრა, რომ თავი სტკიოდა, რაც უჩვეულოდ მომეჩვენა და ვიფიქრე, რომ სახლი მოენატრა", - მოუყვა შექსია ბაზფიდს.

დედამ მაშინვე მიატოვა სამსახური, სახლში მივიდა და იმ ღამითვე ნიუ-იორკში ჩაფრინდა. "გამიმართლა, იმ საღამოს ბილეთები ძალიან იაფი იყო", - იხსენებს ის.

მაინც გეტყვით, რომ ტეხასიდან ნიუ-იორკამდე 2 842 კილომეტრია.

მეორე დღეს, გრეისმა ტვიტერზე პოსტი გამოაქვეყნა, რომელსაც უკვე 2 672 რეტვიტი აქვს.

"გუშინ საღამოს, დედას ტელეფონზე საუბრისას ვუთხარი, რომ თავი მტკიოდა.

ის: მომდევნო ფრენაზე ბილეთს ვიღებ

მე: ხუმრობ?

დღეს:"

"რამხელაც არ უნდა იყოს ჩემი შვილი, მე მისთვის მთელ სამყაროსაც მოვივლი. და როდესაც ამას ფიზიკურად ვეღარ გავაკეთებ, მაშინ მთელი გულით ვიქნები მის გვერდით", - ამბობს შექსია და ვერ უარყოფთ, რომ მისი სიტყვები ყველა დედის პასუხს მოგაგონებთ.

გრეისმა შაბათ-კვირა დედასთან ერთად გაატარა, ტელევიზორს უყურა და რესტორანში მასთან ერთად ივახშმა. მისი თქმით, დედამ წასვლამდე საჩუქრებიც დაუტოვა - სუფთა სახლი და ბევრი კერძი მაცივარში.

დედებო!