ჰოლივუდის ყველაზე გავლენიანი პროდიუსერის, ჰარვი ვაინშტაინის კინოინდუსტრიიდან გაძევების შემდეგ, მისმა კომპანიამ ოფიციალურად გამოაცხადა, რომ გაკოტრდა.

კინოსტუდიას მიმდინარე წელს 7 პროექტი ჰქონდა დაგეგმილი და საინტერესოა რა ბედი ეწევათ მათ?

The Current War

ბენედიქტ კამბერბეჩი ფილმში ტომას ედისონის როლს ასრულებს. როდესაც ფილმის შესახებ ინფორმაცია პირველად გასაჯაროვდა, მსოფლიო დიდი იმედით ელოდა მას, თუმცა საბოლოოდ დაგეგმილი პრემიერები გადაიდო და კინოსურათი მხოლოდ რამდენიმე კინოფესტივალზე აჩვენეს.

The War with Grandpa

ამ ეტაპზე გაურკვეველია როდის შედგება რობერტ დე ნიროსა და უმა თურმანის მონაწილეობით გადაღებულ ფილმის პრემიერა.

The Six Billion Dollar Man

მართალია ფილმი ვაინშტაინის კომპანიამ გადაიღო, თუმცა მომხდარი სკანდალების გამო რეჟისორმა უფლებები Warner Bros.-ს $7.2 მილიონად მიჰყიდა. კინოსურათის პრემიერა 2019 წლის მაისში შედგება.

Mary Magdalene

მარიამ მაგდალინელზე შექმნილი ფილმი, რომელშიც მთავარ როლებს ხოაკინ ფენიქსი და რუნი მარა სრულებენ, ვაინშტაინის კომპანიის სახელით აღარ გამოვა. ფილმზე უფლებები Focus-მა შეიძინა და პრემიერა 16 მარტს, დიდ ბრიტანეთში შედგა.

სერიალი ჯულიანა მურისა და რობერტ დე ნიროს მონაწილეობით

დევიდ ო. რასელის ახალ სერიალში მთავარ როლებს ჯულიანა მური და რობერტ დე ნირო ასრულებენ. შოუს ვაინშტაინის კომპანია იღებდა თუმცა მიმდინარე ამბების გამო, მათ პროექტზე უარი თქვეს. საბოლოოდ კი სერილზე უფლებები Amazon-მა შეიძინა.

Fahrenheit 11/9

Fahrenheit 11/9 - მაიკლ მურის ახალი დოკუმენტური ფილმია, რომელიც დონალდ ტრამპის საიდუმლოებებს ეხება. ფილმის ბედი ამ დრომდე უცნობია.

Hotel Mumbai

Hotel Mumbai ენტონი მარასის მხატვრული ფილმია, რომელშიც მთავარ როლებს დევ პატელი და არმი ჰამერი ასრულებენ. ჯერ-ჯერობით ფილმზე უფლებებს კვლავ ვაინშტაინის კომპანია ფლობს, თუმცა გაკოტრების შესახებ გაკეთებული განცხადების შემდეგ, სავარაუდოდ კინოსურათს სხვა კინოკომპანია შეიძენს.