გუდაურის საბაგირო მწყობრიდან 5 დღის წინაც გამოვიდა. ამის შესახებ მთის კურორტების განვითარების კომპანიის 11 მარტის განცხადებაშია ნათქვამი.

კომპანიის ცნობით, დილის 9 საათზე დაზიანდა საბაგიროებისთვის განკუთვნილი ელექრო სისტემა, რის გამოც კურორტზე საბაგიროს მუშაობა დროებით შეჩერდა.

"მიმდინარეობს ავარიის გამომწვევი მიზეზების დადგენა და აღმოფხვრა. ამ ეტაპისთვის ჩართულია სოლიკო, ზუმა და პირველი საბაგიროები. აღნიშნული საბაგიროებით მგზავრობა უფასოა", - ნათქვამია მთის კურორტების განვითარების კომპანიის 11 მარტის განცხადებაში.