ჰოლივუდში ლეგენდარული მსახიობებისთვის სპეციალურად იწერება როლები, სპეციალურად მათთვის ცვლიან სცენარებს და თუ მოითხოვენ, მეორეხარისხოვანი როლის ნაცვლად, მთავარ როლსაც გამოჰკრავენ ხელს.

ამის ერთ-ერთი ნათელი მაგალითი ჰოლივუდის ვარსკვლავი, 60 წლის შერონ სტოუნია, რომელმაც რეჟისორი და სცენარისტები დაარწმუნა იმაში, რომ 25 წლის გოგოსთვის დაწერილი როლი მასზე მოერგოთ.

"მე ვუთხარი სცენარისტს, რომ უკეთესი იქნებოდა და უფრო საინტერესოც, თუ მთავარ როლს არა 25 წლის გოგო, არამედ მე ვითამაშებდი, რადგან სიმართლე გითხრათ, სულაც არ ვგრძნობ თავს ისე, თითქოს 25 წლის გოგოს დედა ვიყო. ვთქვი, რომ ფილმში მთავარი როლი მე უნდა მეთამაშა და ფილმშიც აქცენტი უკვე ასაკში შესული ქალისა და დედის ურთიერთობას უნდა დათმობოდა", - ამბობს სტოუნი.

საბოლოოდ შერონმა ფილმის შემქმნელები დაითანხმა და ფილმში, All I Wish, მთავარი როლიც მიიღო, მისი დედის როლი კი ლეგენდარულმა ელენ ბერსტინმა შეასრულა.