სურამის ფსიქიატრიული საავადმყოფოს დირექტორი, ვახტანგ ამირანაშვილი კლინიკის პაციენტებს შეურაცხმყოფელად მოიხსენიებს და მათ ქვეშაფსიებს ეძახის. ამის შესახებ მან თავად უამბო On.ge-ს.

ამირანაშვილის პაციენტების მიმართ დამოკიდებულებით On.ge მას შემდეგ დაინტერესდა, რაც ტელეკომპანია იმედმა სურამის ფსიქიატრიული საავადმყოფოს დირექტორის კომენტარი გაავრცელა. ამირანაშვილი ამბობდა, რომ ქალ პაციენტებს ბანს ხოლმე, რაც პარტნიორობა ადამიანის უფლებებისთვის იურისტის, ანა თავხელიძის თქმით, პაციენტის უფლებების დარღვევაა.

ვახტანგ ამირანაშვილის დამოკიდებულების საილუსტრაციოდ, On.ge გთავაზობთ მასთან სატელეფონო საუბრის ნაწილს:

"რა შუაშია ქალი, კაცი. ძალით, ჯოხებით ვინ დაბანა? ვინმემ იჩივლა? ეს პაციენტი მოიყვანეს ქუჩიდან ჭუჭყიანი, გაუბედურებული, ნახევრად მშიერი. მთელი ადმინისტრაცია იქ იყო. ცუდი კი არა, მადლობა უნდა მითხრათ. პატარა კაცი კი არ ვარ, სამი შვილის მამა ვარ და ოჯახი მყავს. მაგათ ქალად ვერ შეხედავ, აქ პროფესიონალი ხარ. გინეკოლოგები მანიაკები და ავადმყოფები არიან? ამ თემაზე ლაპარაკიც სირცხვილია. ყველა ნორმალურმა ადამიანმა გულთან მიიტანა ეს ლაპარაკი. მთელ პაციენტებს ვუყვარვარ, მეფერებიან. მეგობრული ურთიერთობა გვაქვს. ეგ კი არა რამდენი შემთხვევაა, როცა ყვირიან მენსტრუაცია მაქვსო. საავადმყოფოა ხალხო, ფსიქიკურად დაავადებულების. თქვენ რაღაცებს მიგორებთ. ცუდი რა იყო ჩემს საუბარში? გულით და სიყვარულით რომ ვარ და როგორც პაციენტს ისე ვუყურებ ეგაა დადებითი. დავდივარ ხოლმე, აბა, ქვეშაფსიები რომელი ხართ? იფსამთ თუ არ იფსამთ? პამპერსები ჩაცვით. დიასახლისებს თათბირებზე ვაფრთხილებ. მერე არ გავაკონტროლო გამოუცვალა თუ არა? არ ვნახოთ? ფსქიატრიულია, პირიქით, მადლობა უნდა მითხრათ ხალხო?"

On.ge ამ თამზე კიდევ ერთ მასალას ამზადებს, რომელსაც რამდენიმე წუთში შემოგთავაზებთ.