ოსკაროსანი რეჟისორი და 2018 წლის საუკეთესო ფილმად აღიარებული "წყლის ფორმის" შემქმნელი გილერმო დელ ტორო ხანგრძლივი პაუზის შემდეგ პირად ცხოვრებაზე ალაპარაკდა.

საუბრის მიზეზი კი ის ჭორები გახდა, რომელიც ოსკარზე გილერმო დელ ტოროსა და სცენარისტ კიმ მორგანის ერთად გამოჩენამ გამოიწვია. გარდა ამისა, ჯილდოს მიღების შემდეგ რეჟისორმა მადლობა მხოლოდ შვილებსა და კიმს გადაუხადა.

რა თქმა უნდა ეს შეუმჩნეველი არ დარჩენია მედიას და მაშინვე გაჩნდა ჭორები, რომ კიმსა და გილერმოს რომანი აქვთ, თუმცა ამ ხმებს უარყოფს თავად რეჟისორი, სამაგიეროდ აღიარა, რომ 2017 წლის თებერვალში 31 წლიანი ქორწინების შემდეგ ცოლს, ლორენცა ნიუტონს დაშორდა.

"ჩვენ 2017 წლის თებერვალში დავშორდით, ოფიციალურად კი სექტემბერში განვქორწინდით. ეს მხოლოდ რამდენიმე ადამიანმა იცოდა", - ამბობს გილერმო.