საქართველოს მართლმადიდებელი ეკლესიის პატრიარქის, ილია მეორის მოსაყდრე, შიო მუჯირის აზრით, აბორტი "ნატურალური ფაშიზმია". მისი თქმით, ქმარი, რომელიც ცოლს სცემს არაკაცია, თუმცა ამ საკითხთან ერთად უნდა აღინიშნოს, რომ აბორტი უარესია:

"რომელ ჩხუბზე და დაჭრაზე ვსაუბრობთ, როდესაც წელიწადში 40 ათასი ბავშვი იკვლება ჩვენ მიერ?! - ესეც არაოფიციალურად. თუ მივამატებთ ამას ქიმიურ აბორტებს ეს რიცხვი ადის ასობით ათასზე. თუ სულიერად შევხედავთ, ღმერთი არასდროს მისცმეს იმ ერს ბედნიერებას და გამარჯვებას, რომელიც არის საკუთარი შვილების მკვლელი."

ამასთან, შიო მუჯირის მიერ დასახელებული აბორტების რიცხვი არასწორია. ჯანდაცვის სამინისტროსა და სტატისტიკის ეროვნული სამსახურის მონაცემებით, 2012 წლის შემდეგ, რეგისტრირებული აბორტის რიცხვი ყოველწლიურად იკლებს. 2016 წელს 29 600 აბორტია რეგისტრირებული.