10 და 11 მარტს, 11:00-დან 15:00-მდე მზიურის სოციალურ კაფეში თავისუფალი კინოჩვენებების მესამე რეგიონული ტრეინინგი გაიმართება.

სამუშაო შეხვედრას ოცი, თხუთმეტიდან 40 წლამდე ასაკის მონაწილე დაესწრება. მოქალაქეები ვისაც უყვარს კინო და აქვს სურვილი სადისკუსიო ფორმატში საკუთარი კინოჩვენებების ორგანიზება შეძლოს, ორი დღის განმავლობაში დაიგეგმება კინოჩვენებების წერტილები როგორც თბილისში ასევე რეგიონებში.

პროექტის მიზანია ქვეყანაში სადისკუსიო კულტურული წერტილების შექმნა და გაძლიერება.

პროექტის მონაწილეები მიიღებენ ინფორმაციას ოთხი მიმართულებით:

  • "იდეიდან - ჩვენებამდე" - თავისუფალი კინოჩვენებების ორგანიზების უნარები და მნიშვნელობა. ტექნიკის სწორად გამოყენება; ხელნაკეთი ეკრანების შექმნა და დამონტაჟება; კინოჩვენებისსივრცის დაგეგმვა;
  • "ფილმიდან - დისკუსიამდე" - ფილმების აქტუალური თემატიკის მიხედვით შერჩევა და დისკუსიის მნიშვნელობა .
  • "ფინანსების მოძიება კინო-ჩვენებებისთვის" - სახელმწიფო და კერძო სექტორის ჩართვით.
  • "კინოჩვენების საკომუნიკაციო არხების შექმნა" - პოსტერის დამზადება და გავრცელება; ღონისძიების ანონსით პოტენციურ მაყურებლის დაინტერესება, ინტერნეტ რესურსის ეფექტიანადგამოყენება, მედიასთან ურთიერთობა.

ტრეინინგის დასრულების შემდეგ სერთიფიკატის მქონე მონაწილე გახდება თავისუფალი ჩვენებების ქსელის წევრი და "ახალი მზიურის" 2018 წლის კინოჩვენებების ორგანიზატორი.

თავისუფალი კინოჩვენებების პროექტი საქართველოს სხვადასხვა წერტილში უკვე მეოთხე წელია მიმდინარეობს და ქვეყნის მასშტაბით ამ ეტაპზე, 250-მდე მოხალისეს აერთიანებს.

დედაქალაქში პროექტის ერთ-ერთი მრავალმაყურებლიანი და პოპულარული ადგილი ახალი მზიურის სოციალური კაფის ტერიტორიაა.

ტრეინინგის მოდულებს გაუძღვებიან:

ანუკა ლომიძე - კინომცოდნე ჟურნალისტი; თავისუფალი ჩვენებების პროექტის ავტორი; ორგანიზაციის "აჰუაჰუ - ფონდი კულტურის განვითარებისთვის" ხელმძღვანელი; ილიას სახელმწიფოუნივერსიტეტის კინოს მიმართულების ლექტორი.

თორნიკე ადამაშვილი - რეჟისრი; ორგანიზაციის "რეგიონული კინოს ასოციაცია" ხელმძღვანელი; ბოლნისის არტ რეზიდენციის დამფუძნებელი.

საკონტაქტო პირი: ანუკა ლომიძე 593 21 96 21