ქალების პოლიტიკური როლი და მმართველობით სფეროში ჩართულობა ისევ ნაკლებია. გაუპატიურების შემთხვევები კი 9-ჯერ მაღალი - წერს Euronews სტატიაში, რომელიც სხვადასხვა სფეროში ქალთა როლის სტატისტიკას ეხება.

ცხოვრება მარტო შვილებთან ერთად

2016 წლის სტატისტიკით, 25-დან 49 წლამდე ევროპელი ქალების 7,7 პროცენტი მარტო, შვილთან ერთად ცხოვრობს. განსხვავებით, მარტოხელა მამებისგან, რომელთა სტატისტიკური მონაცემი მხოლოდ 1,1 პროცენტია.

ბავშვზე ზრუნვა და საოჯახო საქმე

2016 წელს, ქალები უფრო მეტად იყვნენ ჩართულები ბავშვის რეგულარულ მოვლაში. 25-დან 49 წლამდე ასაკობრივ კატეგორიაში, ქალების 92 პროცენტი ბავშვს რეგულარულად უვლიდა განსხვავებით კაცებისგან, რომელთა პროცენტული მაჩვენებელიც 68 იყო.

მნიშვნელოვანი უთანასწორობაა საოჯახო საქმეების შესრულების მიმართულებით. 5 ქალიდან 4 ამბობს, რომ ისინი ამზადებენ საჭმელს ან ალაგებენ სახლს ყოველ დღე, განსხვავებით კაცებისგან, რომელთა მხოლოდ 34 პროცენტია საოჯახი საქმეებში ჩართული.

ხმელთაშუაზღვისპირეთის ქვეყნებმა მნიშვნელოვანი უთანასწორობა გამოავლინა. საბერძნეთში ქალების 85 პროცენტი საოჯახო საქმეშია ჩართული, იტალიაში კი 81 პროცენტი.

შვედეთში, სხვა ქვეყნებისგან განსხვავებით, უკეთესი მაჩვენებელია. თუმცა საოჯახო საქმეებში ჩართულობით ქალები (74%) კაცებს(56%) მაინც სჭარბობს.

ქალი - მენეჯერი

ევროკავშირის ქვეყნებში, ქალების საშუალოდ 33 პროცენტი მმართველობით პოზიციებზეა დასაქმებული. ევროკავშირის წევრ არც ერთ ქვეყანაში მმართველობით სფეროში ქალების ჩართულობის მაჩვენებელი 50 პროცენტს არ აღემატება.

ქალები პოლიტიკაში

ეუროსტატის კვლევის მიხედვით, პოლიტიკაში ქალები უმცირესობაში არიან. ევროპის პარლამენტში ქალების წარმომადგენლობა მხოლოდ 35 პროცენტია. 2017 წელს ეს მონაცემი 29 პროცენტამდე შემცირდა.

58 ქვეყნიდან მხოლოდ 10-ს მართავს ქალი. 27 ევროპელი კომისარიდან კი ქალი მხოლოდ რვაა.

გამომუშავება

2015 წლის სტატისტიკის მიხედვით, ქალები 16,3 პროცენტით ნაკლებს გამოიმუშავებენ კაცებთან შედარებით. მენეჯერი ქალების 23 პროცენტი სხვა მამაკაც მენეჯერებთან შედარებით ნაკლებს გამოიმუშავებს.

კონტრაცეფცია და ოჯახის დაგეგმვა

გაერთიანებული ერების ორგანიზაციის 2017 წლის კვლევის მიხედვით, კონტრაცეპტივების გავრცელება ევროპაში 70 პროცენტამდე მერყეობს.

კონტრაცეტივების გამოყენების უმაღლესი მაჩვენებელი 76,5 პროცენტი ჩეხეთში დაფიქსირდა. მეორე ადგილზეა საფრანგეთი 68,7 პროცენტით. სამეულშია ბელგია 61,8 პროცენტული მაჩვენებლით.

მიუხედავად ამისა, თავის დაცვის მეთოდების გამოყენება ისევ პრობლემურია.

გაუპატიურება

2015 წლის მონაცემებით ყოველ 100 000 ქალიდან დაახლოებით 18 სექსუალური ძალადობის მსხვერპლია. სექსუალური ძალადობის შემთხვევების მაჩვენებელი 1,8 პროცენტია. ეს მიუთითებს, რომ ათასობით გაუპატურების საქმე სასამართლომდე ვერ აღწევს.

ტამპონის გადასახადი

ყველაზე სამართლიანი ქვეყანა ქალის ჰიგიენის საშუალებების საფასურის მიხედვით კანარის კუნძულებია. ჰიგიენის ნივთებზე ამ ქვეყანამ დღგ-ს გადასახადი სრულად გააუქმა.

საბერძნეთი, გერმანია, აუსტრალია, უნგრეთი, შვეიცარია და იტალია ქალის ჰიგიენის ნივთებზე დღგ-ს სრულად გადახდას ითვალისწინებენ, რაც ,"ბუფერული გადასახადია"