ზაფხულის მოახლოებისას, თითოეული ჩვენგანი განსხვავებულ ადგილებს ირჩევს დასასვენებლად და გასართობად. ზოგი სანაპიროსკენ მიაშურებს, ზოგი მთებში, ზოგი სხვა ქვეყნების ცა-ფირუზსა და ხმელეთ-ზურმუხტებს ირჩევს.

თუმცა, იაპონიაში, ზაფხულის მოახლოებას ფოტოგრაფების ერთი ჯგუფი ყოველთვის რჩეული, მხოლოდ მათთვის ცნობილი ადგილების სტუმრობით აღნიშნავს. ისინი იმედოვნებენ, რომ ამ საიდუმლო ტერიტორიებზე ციცინათელების ჯადოსნურ სამყაროს აღმოაჩენენ.

ეს პერიოდი უმეტესად მაისის ბოლოს იწყება. დრო - საღამოს 7-დან 9 საათამდე. 2 საათის განმავლობაში მონდომებული ფოტოგრაფები ელოდებიან მწერების გუნდის გამოჩენას, რომლებმაც ღამე უნდა გაანათონ.

მთავარი, რაც ამ ფოტოებს კიდევ უფრო ჯადოსნურსა და განსაკუთრებულს ხდის, ისაა, რომ შეუიარაღებელი თვალისთვის მათი დანახვა შეუძლებელია. ისინი ერთი ადგილის 10-დან 200-მდე სურათის გაერთიანებითაა მიღებული. სწორედ ამიტომ, ისინი ტოვებენ შთაბეჭდილებას, რომ ტყის ერთ ადგილას ათასობით ციცინათელას გუნდია თავმოყრილი.

რეალურად ციცინათელების მცირე რაოდენობა ამ ფოტოებს დიდებულებას არ უკარგავს, რადგან მათ მისაღებად გამოყენებულია ცოდნა, მოთმინება, აღჭურვილობა და უნარები.

ციცინათელები უსაზღვროდ მგრძნობიარეები არიან და ისინი მხოლოდ 10 დღეს ცოცხლობენ. მათ სიცოცხლეს დაბინძურებული გარემო კიდევ უფრო ამცირებს, პოვნას კი ფოტოგრაფებისთვის კიდევ უფრო რთულს ხდის. BoredPanda-ს მიხედვით, ეს ჯადოსნური ფოტოები იაპონიაში, 2016 წლის ზაფხულსაა გადაღებული.

ფოტო: soranopa

ფოტო: miyu

ფოტო: hm777

ფოტო: zabby

ფოტო: Yume Cyan

ფოტო: Yu Hashimoto

ფოტო: Nomiyama Kei

ფოტო: Asuka I

ფოტო: Daisuke Aochi

ფოტო: hm777

ფოტო: Hiroyuki Shinohara

ფოტო: fumial