ბარათაშვილის ქუჩაზე, შენობიდან შუშის ჩამოვარდნისას დაშავებული 6 ბავშვიდან ერთ-ერთი გარდაიცვალა.

ექიმის თქმით, პაციენტს სიცოცხლესთან შეუთავსებელი ტრავმა ჰქონდა:

"უკიდურესად მძიმე მდგომარეობაში შემოიყვანეს. გადაუდებლად ავიყვანეთ საოპერაციოში, მაგრამ ვერ მოვახერხეთ დაწყება, რადგან გული გაუჩერდა. გარდაიცვალა ტრავმული შოკით".

ექიმის თქმით, დანარჩენი დაშავებულების მდგომარეობა სტაბილურია და მათ სიცოცხლეს საფრთხე არ ემუქრება.

დღეს, 28 თებერვალს, ბარათაშვილის ქუჩაზე შენობის გარე ფასადიდან მინის ჩამოვარდნის შედეგად ქვეითად მოსიარულე 6 მოსწავლე დაშავდა.

შენობა ბარათაშვილის ქუჩაზე, საიდანაც მინა ჩამოვარდა

შენობა ბარათაშვილის ქუჩაზე, საიდანაც მინა ჩამოვარდა

ფოტო: Giorgi Tsaia

საქმეზე გამოძიება საქართველოს სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. მიმდინარეობს საგამოძიებო მოქმედებები.