თბილისში, ბარათაშვილის ქუჩაზე შენობის გარე ფასადიდან მინის ჩამოვარდნის შედეგად ქვეითად მოსიარულე 6 მოსწავლე დაშავდა.

როგორც On.ge-ს სასწრაფო სამედიცინო დახმარების პრესსამსახურმა უთხრა, 3 მათგანი ინგოროყვას კლინიკაშია გადაყვანილი, 3 კი ამტელ ჰოსპიტალში. ერთ-ერთი მათგანის ჯანმრთელობის მდგომარეობა მძიმეა.

საქმეზე გამოძიება საქართველოს სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. მიმდინარეობს საგამოძიებო მოქმედებები.