საქართველოს სახელმწიფო საზღვრის ფარგლებში, საჰაერო ხომალდებისთვის ტექნიკური მომსახურების გაწევა დამატებითი ღირებულების გადასახადისგან (დღგ) გათავისუფლდება. ამის შესახებ დღეს გამართულ მთავრობის სხდომაზე იმსჯელეს.

ფინანსთა მინისტრის, მამუკა ბახტაძის თქმით, ეს არის თავისუფალი ვაჭრობისა და ევროკავშირთან ასოცირების ხელშეკრულების მნიშვნელოვანი კომპონენტი:

"ვფიქრობთ, რომ აღნიშნული შეღავათით მნიშვნელოვნად წავახალისებთ, რომ საქართველო გახდეს რეგიონალური ჰაბი საჰაერო გადაზიდვების კუთხით და ის კომპანიები, რომლებიც ეწევიან მომსახურების ექსპორტს, მათი საქმიანობის არეალიც მნიშვნელოვნად გაფართოვდება."