2018 წლის ზამთრის ოლიმპიადაზე დიდი უცნაურობებიც ხდება. პიონგჩანგში ჩატარებული ოლიმპიადა, როგორც აღმოჩნდა, მხოლოდ განსაკუთრებულად ნიჭიერი სპორტსმენების ადგილი არ ყოფილა. ტექნოლოგიური განვითარებით ერთ-ერთი ყველაზე მოწინავე ქვეყანა, სამხრეთ კორეა, თავის თავს არ ღალატობს და ოლიმპიადას რობოტების გამოსაცდელადაც იყენებს.

სამხრეთ კორეელებმა ოლიმპიადის ფარგლებში თერთმეტი ტიპის რობოტი გამოიყენეს, რომლებიც მომსახურების სფეროში სასმელების დამრიგებლებად, დამლაგებლებად და გიდებად მუშაობდნენ. ყველაფერთან ერთად კი, რობოტებისთვის სლალომის სპეციალური ტურნირიც ჩატარდა.

შეჯიბრი გუშინ, 13 თებერვალს, ოლიმპიურ სოფელში ჩატარდა. რობოტები მკაცრი კრიტერიუმების მიხედვით შეირჩნენ. თითოეული მათგანი 50 სმ უნდა ყოფილიყო, უნდა ჰქონოდა დამოიკუდებელი მართვის სისტემა, უნდა შესძლებოდა ორ ფეხზე მყარად დგომა და თხილამურებზე სრიალი.

რობოტების სენსორული სისტემა საშუალებას აძლევდა მათ ეგრნოთ დროშებთან მიახლოება, რომლისთვისაც სლალომის წესებით გვერდი უნდა აევლოთ. გამარჯვებული იქნებოდა ის, ვინც ფინიშამდე ყველაზე ნაკლებ დროში მივიდოდა, თუმცა ხაზამდე ყველამ ვერ მიაღწია.