ნასას „ნიუ ჰორაიზონსის“ კოსმოსურმა ზონდმა მისი ტელესკოპური კამერა ვარსკვლავების ველისაკენ მიმართა - და ისტორია შექმნა.

გალაქტიკური ღია ვარსკვლავთგროვის, Wishing Well-ის კადრი ხუთ დეკემბერს, ზონდის LORRI მოწყობილობით გადაიღეს, როდესაც „ნიუ ჰორაიზონსი“ 6,12 მილიარდი კილომეტრით იყო დაშორებული დედამიწას - ეს კი კაცობრიობის მიერ ყველაზე შორი მანძილიდან გადაღებული სურათია.

LORRI-ს მიერ გადაღებული კოიპერის სარტყლის ობიექტები

ფოტო: NASA

მოკლე დროის განმავლობაში, LORRI-მ ვარსკვლავთგროვა გადაიღო, რომლითაც 27 წლიანი რეკორდი მოხსნა. ორი საათის შემდეგ, კვლავ გააუმჯობესა თავისივე რეკორდი.

ფოტო: NASA

„ნიუ ჰორაიზონსი“ დედამიწიდან უფრო შორს იყო, ვიდრე ნასას „ვოიაჯერ 1“, როდესაც მან ცნობილი „მკრთალი ლურჯი წერტილი“ გადაიღო. ეს სურათი იყო ნაწილი 60 კომპოზიტური სურათისა, რომელიც მზის სისტემისკენ უკან მოხედულმა კამერამ გადაიღო 1990 წლის 14 თებერვალს, დედამიწიდან 6 მილიარდი კილომეტრის დაშორებით. ამის შემდეგ ვოიაჯერის კამერა გამორთეს და მისი რეკორდი 27 წლის განმავლობაში არავის გაუუმჯობესებია.

6 მილიარდი კილომეტრიდან დანახული დედამიწა - „მკრთალი ლურჯი წერტილი“.

ფოტო: NASA

LORRI-მ მისივე რეკორდი სულ რაღაც ორ საათში გააუმჯობესა, როდესაც მან კოიპერის სარტყლის ობიექტები - 2012 HZ84 და 2012 HE85 გადაიღო. ამით მან დაგვანახა, რომ მისთვის არ არსებობს უძრაობა, როდესაც დღეში 1,1 მილიონ კილომეტრს გადიხარ კოსმოსში.