რთული წარმოსადგენია, მაგრამ ყველა მუსიკოსი, ვის სიმღერებსაც ახლა განუწყვეტლივ ვუსმენთ, ერთ დროს ჩვეულებრივი ადამიანი იყო. მათი ცხოვრება ერთმა განსაკუთრებულმა მომენტმა შეცვალა: ზოგიერთი მათგანი ცნობილ პროდიუსერს შეხვდა, ზოგი პირდაპირ ქუჩაში შეამჩნიეს, სხვებმა კი უზარმაზარი აუდიტორიის წინაშე დაამტკიცეს, რომ სცენაზე დგომას იმსახურებენ.

ამჟამად საქართველოს სხვადასხვა ქალაქში X ფაქტორის ახალი სეზონის შესარჩევი კონკურსები მიმდინარეობს. სანამ ტელევიზორებს მივუსხდებოდეთ და X ფაქტორის ქართველი კონკურსანტების ნომრებით გავიხალისებდეთ საღამოებს, გავიხსენოთ ის მომღერლები, რომლებიც მსოფლიო ვარსკვლავებად სწორედ X ფაქტორმა აქცია.

1. One Direction

ბენდის წევრები ნაილ ჰორანი, ზეინ მალიკი, ლიამ პეინი, ჰარი სტაილზი და ლუის ტომლინსონი 2010 წელს X ფაქტორის ბრიტანულ ვერსიაში გამოჩნდნენ. ქასთინგში ისინი თავდაპირველად სოლო მომღერლებად წარდგნენ, თუმცა მოგვიანებით ჯგუფად გაერთიანდნენ.

2011 წელს, ჯგუფმა ალბომი გამოუშვა, Up All Night, რომლის სინგლმაც What Makes You Beautiful ინგლისის მუსიკალურ ჩარტებში პირველი ადგილი დაიკავა.

ჯგუფის წევრების სოლო კარიერა

ჰარი სტაილსი ბენდს 2016 წელს გამოეყო და წარმატებული სოლო-კარიერა წამოიწყო. მისი პირველი სოლო სინგლი, Sign of the Times ამერიკისა და ინგლისის ჩარტებში პირველ ადგილზე გავიდა.

სოლო კარიერა დაიწყო ზეინ მალიკმაც. მისმა სადებიუტო ალბომმა Mind of Mine მუსიკალური კრიტიკოსებისგან დიდი მოწონება დაიმსახურა.

2. ლეონა ლუისი

ლეონა X ფაქტორში 2006 წელს გამოვიდა და გაიმარჯვა.

მისმა პირველმა ალბომმა Spirit 2007 წელს გამოვიდა და ახალი ხელოვანის ალბომის გაყიდვების რეკორდი პირველივე კვირაში მოხსნა.

3. Little Mix

Little Mix, რომელიც ოთხი ლამაზი ბრიტანელი გოგოსგანაა დაკომპლექტებული, X ფაქტორში 2010 წელს გამოვიდა და პირველი ჯგუფი გახდა, რომელმაც კონკურსი მოიგო.

Little Mix-ის პირველი ალბომი DNA 2012 წელს გამოვიდა. ჯგუფმა კიდევ ერთი რეკორდი დაამყარა და the Pussycat Dolls-ის შემდეგ პირველი ჯგუფი გახდა, რომლის სადებიუტო ალბომიც ამერიკის ჩარტების პირველ ხუთეულში მოხვდა.

4. შერ ლოიდი

შერ ლოიდი 2010 წლის X ფაქტორში გამოვიდა. კონკურსში მონაწილეობის მომენტში ის მხოლოდ 17 წლის იყო.

ლოიდის პირველმა სინგლი Swagger Jagger გამოსვლისთანავე ინგლისის სინგლების ჩარტებში პირველი ადგილი დაიკავა, თუმცა მსოფლიო აღიარება მას 2011 წლის სიმღერამ Want U Back მოუტანა.

5. ოლი მარსი

ოლი მარსი ბრიტანულ X ფაქტორის ქასთინგზე 2009 წელს გამოვიდა და ფინალშიც გავიდა.

მარსის პირველმა ალბომმა Olly Murs გამოსვლისთანავე ინგლისის ჩარტებში მეორე ადგილი დაიკავა. მისი ყველაზე პოპულარული სიმღერა Troublemaker-ია, რომელიც მის მესამე ალბომში შევიდა.

6. ელა ჰენდერსონი

ელა 2012 წელის X ფაქტორში გამოვიდა და ფინალშიც მოხვდა. იმის მიუხედავად, რომ გამარჯვებას უწინასწარმეტყველებდნენ, ჰენდერსონმა საბოლოოდ მეექვსე ადგილი დაიკავა.

ჰენდერსონის პირველივე სინგლი Ghost დღემდე მისი ყველაზე პოპულარული სიმღერაა. გამოსვლიდან თითქმის 2 თვის განმავლობაში მისი სიმღერა ინგლისის ჩარტებში ტოპ ხუთეულში იყო.

7. Fifth Harmony

ჯგუფი ამერიკულ X ფაქტორში 2012 წელს გამოვიდა, რამაც ხუთივე წევრს პოპულარობა მოუტანა.

მათი ერთ-ერთი ყველაზე სიმღერა Worth It არის, რომელიც სადებიუტო ალბომში შევიდა.

ჯგუფს კამილა კაბელო 2016 წელს გამოეყო და თავისი სინგლით Havana ამერიკისა და ინგლისის ჩარტებში პირველი ადგილი დაიკავა.

8. Alex & Sierra

ამერიკელი წყვილი X ფაქტორში 2013 წელს გამოვიდა, რაც ფინალში მათი გამარჯვებით დასრულდა.

მათი პირველი ალბომი It's About Us 2014 წელს გამოვიდა და გამოსვლის პირველ კვირაში 27 000 ცალი გაიყიდა. ჯგუფის წევრებმა 2017 წელს განაცხადეს, რომ ერთად მუშაობას აღარ განაგრძობდნენ.

9. Emblem3

ჯგუფი ამერიკულ X ფაქტორში 2012 წელს გამოვიდა და მეოთხე ადგილი დაიკავა.

პოპ ბენდმა დაშლამდე 3 ალბომი და 1 Ep გამოუშვა, მათი ერთ-ერთი ყველაზე პოპულარული სიმღერაა 3000 Miles.

10. ბრაიან ბრედლი aka Astro / Stro

ბრაიან ბრედლი ამერიკული X ფაქტორის პირველივე სეზონში გამოვიდა და მისივე დაწერილი სიმღერით ჟიურის აღფრთოვანება დაიმსახურა.

მოგვიანებით ბრედლიმ კარიერა ახალი სახელით Astro [The Astronomical Kid] განაგრძო და უამრავი სინგლი გამოუშვა.

აქვე შეგახსენებთ, რომ ქართული X ფაქტორის ქასთინგი უკვე დაწყებულია და მასში მონაწილეობის მიღება ნებისმიერ მსურველს შეუძლია. ერთადერთი პირობა ისაა, რომ კონკურსანტი მინიმუმ 12 წლის უნდა იყოს. ამჟამად შესარჩევი ტურები დასავლეთ საქართველოში მიმდინარეობს.

განრიგებს შეგიძლიათ თვალი ადევნოთ კონკურსის ფეისბუქ გვერდზე.