საუდის არაბეთში ქალებს რესტორნებში მუშაობის უფლებას მისცემენ. ახალი ინიციატივისთვის 16 საკვები ობიექტი შეირჩევა, სადაც ქალები იმუშავებენ. ინფორმაციას ადგილობრივი ინგლისურენოვანი გამოცემა ავრცელებს. ახალ პროექტს საუდის არაბეთის პრინცესა ნურა ნიბტ მოჰამადი უდგას სათავეში.

"რესტორნის მფლობელებთან ჩავატარებთ სემინარს, რათა მეტი ქალის დასაქმების სტრატეგია განვიხილოთ", - განაცხადა საინიციატივო ჯგუფის ხელმძღვანელმა.

ამჟამად საუდის არაბეთში ქალების უმუშევრობა 33 პროცენტს აღწევს, ხოლო ქვეყანაში უმუშევრობის ზოგადი დონე 12 პროცენტია.

ეს პირველი ინიციატივა არაა, რომელიც ქალების ჩართულობას ეხება. სამეფოში ქალებს სტადიონებზე შესვლის უფლება უკვე მისცეს. ქვეყნის სამ სტადიონზე სპეციალური საოჯახო განყოფილებები შეიქმნება, სადაც მათ ქმრებთან ერთად ყოფნა შეეძლებათ.

ივნისიდან კი ქალებს მანქანის მართვის უფლებას მისცემენ. საუდის არაბეთი მსოფლიოში ერთადერთი ქვეყანა იყო, რომელსაც მსგავსი აკრძალვა ჰქონდა.

გაიგეთ მეტი: