რამდენიმე დღის წინ, ბრიტანელმა მომღერალმა, ელტონ ჯონმა განაცხადა, რომ კარიერას ასრულებს. როგორ ცნობილია, მომღერალი სცენას მსოფლიო ტურნეს შემდეგ დატოვებს.

ელტონ ჯონის კონცერტი დაგეგმილია საქართველოშიც. 2017 წლის ტურნეს - Wonderful Crazy Night Tour-ის ფარგლებში მას, საქართველოში 16 სექტემბერს ელოდებოდნენ. თუმცა კონცერტი გადაიდო. Solo-ს ინფორმაციით კონცერტი 2018 წლის 30 ივნისსა და 1-ლ ივლისს ჩატარდება.

ახალი მსოფლიო ტურნე Farewell Yellow Brick Road რვა სექტემბერს იწყება. ნიუ-იორკში Gotham Hall-ში ჟურნალისტ ანდერსონ კუპერთან ელტონ ჯონმა თქვა, რომ ტურნეებს აღარ მოაწყობს.

"აღარ ვაპირებ, რომ მსოფლიოს გარშემო ვიმოგზაურო. პრიორიტეტები შემეცვალა. პატარა შვილები მყავს".

თუმცა სანამ ლეგენდარული მუსიკოსი სცენიდან წავა ბოლო მსოფლიო ტურნეს ფარგლებში, სამი წლის განმავლობაში სამას შოუს მოაწყობს და თავი მსმენელს დაემშვიდობება:

"ეს იქნება საუკეთესო შოუ, რომელიც აქამდე გამიკეთებია".