ოქროს გლობუსზე, საუკეთესო რეჟისორის კატეგორიაში ვერც ერთი ქალი მოხვდა. ამ თემას მაშინვე გამოეხმაურა საერთაშორისო პრესა და აღინიშნა, რომ 2017 წელს ბევრი ისთი ქალი რეჟისორი გამოჩნდა ასპარეზზე, რომლებიც ამ ნომინაციას იმსახურებდა.

დაჯილდოებაზე, ბევერლი ჰილტონის სცენიდან ამ თემას ნატალი პორტმანიც გამოეხმაურა და საუკეთესო რეჟისორის კატეგორიიც წარდგენისას აღნიშნა, რომ ყველა ნომინანტი კაცი იყო.

თემას მალევე გამოეხმაურნენ ამ კატეგორიაში ნომინირებული გილერმო დელ ტორო და სტივენ სპილბერგი.

"ვფიქრობ ნატალიმ სწორად აღნიშნა და ეს ძალიან მაგარი იყო. თქვა ის, რასაც იმ მომენტში გრძნობდა. ფენომენალური გრნობაა, როდესაც ქალ რეჟისორთან მუშაობ. თანაც უნდა ითქვას, რომ წელს ბევრი მაგარი ფილმი ვნახეთ, რომელიც ქალმა გადაიღო", - ამბობს გილერმო დელ ტორო.

ამავე თემას შეეხო სტივენ სპილბერგი, რომელმაც ნომინაცია ფილმ The Post-ისთვის მიიღო.

"ჩვენს ინდუსტრიაში ყველაფერი უკეთესობისკენ იცვლენა, ნელა მაგრამ მთავარია, რომ იცვლება. არაჩვეულებრივი ქალი რეჟისორები გვყავს და მათ ასპარეზი აუცილებლად უნდა მივცეთ. მაგალითად, პატი ჯენკინსი, რომელმაც არაჩვეულებრივად იმუშვა. ასევე Mudbound-ისა და Lady Bird-ის რეჟისორები, რომლებიც ვფიქრობ ამ ნომინაციას იმსახურებდნენ. ვიმედოვნებ ოსკარზე რომელიმე მათგანს საუკეთესო რეჟისორის ნომინაციაში ვიხილავ", - ამბობს სპილბერგი.

აღსანიშნავია, რომ კინოში, ქალები რეჟისორების მხოლოდ 1.9%-ს, სცენარისტების 18.9%-ს და პროდიუსერების 18.9%-ს წარმოადგენენ.