საქართველოს ადვოკატთა ასოციაციის თავმჯდომარის არჩევნებში დავით ასათიანმა გაიმარჯვა. არჩევნების საბოლოო შედეგით, დავით ასათიანმა 953-დან 922 ხმა მიიღო, ხოლო მეორე კანდიდატმა ლევან ჯანაშიამ - 23.

საქართველოს ადვოკატთა ასოციაციის მეორე ტურის არჩევნები დღეს, 23 დეკემბერს, 15 საათზე სპორტის სასახლეში გაიმართა. ადვოკატთა ასოციაციის თავმჯდომარის არჩევის პირველი ტური ცხრა დეკემბერს ჩატარდა და ხმების უმრავლესობა ვერც ერთმა კანდიდატმა ვერ მიიღო.

დავით ასათიანი 2012-2013 წლებში კოალიცია დამოუკიდებელი და გამჭვირვალე მართლმსაჯულების მმართველი კომიტეტის თავმჯდომარე იყო. ის საქართველოს ადვოკატთა ასოციაციის აღმასრულებელი საბჭოს წევრად 2013 წლის დეკემბერში აირჩიეს.