თურქეთში, სტამბოლის ათათურქის სახელობის აეროპორტში მომხდარ აფეთქებაზე ჯერჯერობით არცერთ დაჯგუფებას არ აუღია პასუხისმგებლობა.

28 ივნისს, ადგილობრივი დროით დაახლოებით 22:00 საათზე, სტამბოლის აეროპორტში, 2 აფეთქებას, სულ მცირე, 36 ადამიანი ემსხვერპლა 147 კი დაშავებულია.

დაზვერვის სამსახურის ხელმძღვანელი რიტა კაცი ტვიტერზე წერს, რომ ტერაქტი შესაძლოა ე.წ. ისლამურმა სახელმწიფომ განახორციელა თუმცა, დაჯგუფებისგან ჯერჯერობით არაფერი ისმის.

ბოლო პერიოდში, თურქეთში არაერთი ტერაქტი განხორციელდა:

2016

  • 7 ივნისი, სტამბოლი: ავტომანქანის აფეთქებას 7 პოლიციელი და 4 სამოქალაქო პირი ემსხვერპლა. პასუხისმგებლობა ქურთების დაჯგუფებამ (TAK) აიღო.
  • 19 მარტი, სტამბოლი: თვითმკვლელმა ტერორისტმა 4 ადამიანის სიცოცხლე იმსხვერპლა სავაჭრო ცენტრში. პასუხისმგებელი ე.წ. ისლამური სახელმწიფოა.
  • 13 მარტი, ანკარა: მანქანის აფეთქების შედეგად, 34 ადამიანი დაიღუპა. პასუხისმგებელი ქურთების დაჯგუფებაა.
  • 17 თებერვალი, ანკარა: 29 ადამიანი დაიღუპა სამხედრო ავტობუსების აფეთქების შედეგად. პასუხისმგებლობა ქურთების დაჯგუფებამ აიღო.
  • 12 იანვარი სტამბოლი: ტურისტულ არეალში, 11 გერმანელი დაიღუპა სირიელი ტერორისტის მიერ ბომბის აფეთქების შედეგად.

2015

  • 23 დეკემბერი, სტამბოლი: სტამბოლის საბიჰა გოქჩენის აეროპორტში დამლაგებელი დაიღუპა. პასუხისმგებლობა ქურთულმა დაჯგუფებამ აიღო.
  • 10 ოქტომბერი, ანკარა: 100-ზე მეტი ადამიანი დაიღუპა სამშვიდობო მსვლელობის დროს, რკინიგზის სადგურთან. პასუხისმგებლობა ე.წ. ისლამურმა სახელმწიფომ აიღო.
  • 20 ივლისი, სურუჩი, სირიის საზღვართან ახლოს: 34 ადამიანი დაიღუპა დაბომბვის შედეგად. პასუხისმგებლობა ე.წ. ისლამურმა სახელმწიფომ აიღო.