საქართველოს კონკურენციის სააგენტო ციფრული და საყოფაცხოვრებო ტექნიკის მაღაზიათა ქსელ ალტაოქეის ერთ-ერთი მფლობელის, ალტასა და ტექნიკის ჰიპერმარკეტ მეტრომარტის კონცენტრაციას დათანხმდა. რაც იმას ნიშნავს, რომ კომპანიები, სავარაუდოდ, გაერთიანდებიან.

კონკურენციის სააგენტოს ცნობით, კონცენტრაციის შესახებ შეტყობინება უწყებაში 2017 წლის 18 ოქტომბერს წარადგინეს. სააგენტოს ცნობით, შესწავლილ იქნა ბაზარზე არსებული ვითარება და სხვადასხვა სახელმწიფო უწყებისგან გამოთხოვილი ინფორმაცია:

"შესაბამის ბაზარზე, კონცენტრაციის დონე მნიშვნელოვნად არ იცვლება და დაგეგმილი კონცენტრაცია ნორმალურ კონკურენტულ გარემოსთან თავსებადია."