#ნუშეზღუდავ - ესაა კამპანია, რომელიც ილიას სახელმწიფო უნივერსიტეტის სტუდენტების ნაწილმა შეზღუდული შესაძლებლობის მქონე პირთა უფლებების დასაცავად წამოიწო. კამპანიის ფარგლებში სტუდენტები სტიკერებს იმ ავტომობილებს აკრავენ, რომლებიც ტროტუარებზე არსებულ პანდუსებზე დგანან, ან შშმ პირებისთვის განკუთვნილ ავტოსადგომს იკავებენ.

კამპანიის მიზანი საზოგადოებაში ცნობიერების ამაღლებაა.

"არასწორად დაყენებული ავტომობილების გამო, შეზღუდული შესაძლებლობის მქონე პირებისთვის ქალაქში გადაადგილება გართულებულია. დაკავებულია არა მხოლოდ შეზღუდული შესაძლებლობების მქონე პირებისთვის განკუთვნილი პარკინგი, არამედ ჩაკეტილია ტროტუარიც, რაც გადაადგილებას შეუძლებელს ხდის", - უთხრა On.ge-ს კამპანიის ერთ-ერთმა ორგანიზატორმა მარიკო გომარელმა.

ფოტო: მარი გოგუაძე