საქართველოს პარლამენტის თავმჯდომარემ, ირაკლი კობახიძემ თბილისის საერთაშორისო კონფერენციაზე განაცხადა, რომ საქართველო ევროპული ოჯახის სრულფასოვანი წევრობისთვის უმნიშვნელოვანეს რეფორმებს ატარებს. რეფორმებზე საუბრისას მან ახალი კონსტიტუციის შექმნაც გამოყო.

"საქართველო ახორციელებს უმნიშვნელოვანეს შიდა რეფორმებს იმისთვის, რომ ქვეყანა გახდეს ევროპული ოჯახის სრულფასოვანი წევრი, ქვეყანაში ხორციელდება უმნიშვნელოვანესი დემოკრატიული რეფორმები, განხორციელდა წარმატებით საკონსტიტუციო რეფორმა, რომლის საფუძველზეც საქართველო ყალიბდება ევროპული ტიპის საპარლამენტო დემოკრატიად, ძლიერდება სასამართლოს დამოუკიდებლობა, ხორციელდება დეცენტრალიზაციის რეფორმა, უმნიშვნელოვანესი რეფორმების ხორციელდება ეკონომიკური მიმართულებით," - აღნიშნა კობახიძემ.

კონფერენციას "ევროკავშირი და პარტნიორები - მრავალფეროვნება ძლიერი ერთობისთვის" 20-მდე ქვეყნის წარმომადგენლები ესწრებიან.

ამავე კონფერენციაზე საქართველოს პრემიერ-მინისტრმა, გიორგი კვირიკაშვილმა განაცხადა, რომ მსოფლიოს მსგავსად საქართველოც იბრძვის ჰიბრიდულ საფრთხეებთან და პროპაგანდასთან.