იუნესკოს გენერალური დირექტორი ოფიციალურად საფრანგეთის კულტურის ყოფილი მინისტრი, ოდრი აზულაი გახდა. ამის შესახებ განცხადებას იუნესკო ტვიტერზე ავრცელებს.

აზულაი ამ თანამდებობაზე ბულგარელ მეცნიერსა და პოლიტიკოსს ირინე ბოკოვას ჩაანაცვლებს. 2016-2017 წლებში ოდრი აზულაი კულტურისა და კომუნიკაციების მინისტრი იყო. ამ წლის 13 ოქტომბერს იუნესკოს გენერალურ დირექტორად ხმათა უმრავლესობით ოთხი წლის ვადით აირჩიეს.