2026 წლის 10 ოქტომბერს, საქართველოში ევროკავშირის წარმომადგენლობა კახეთში "ევროპის დღე 2026"-ს აღნიშნავს. ღონისძიებაში მონაწილეობას მიიღებენ ევროკავშირის წევრი ქვეყნების საელჩოები, ევროკავშირის მიერ დაფინანსებული პროექტები და პარტნიორები. კახეთში გასამართი ევროპის დღის მიზანია, წარმოაჩინოს ევროკავშირსა და საქართველოს შორის მიმდინარე პარტნიორობა, რომელიც 30-წელს აღემატება.

"ევროპის დღე 2026-ის" ფარგლებში მეღვინეობა "მოსმიერში" მოეწყობა ინტერაქციული სივრცე სახელწოდებით "ჩემი ევროპა, ჩემი მომავალი", სადაც სტუმრები დაათვალიერებენ საინტერესო გამოფენებს, მონაწილეობას მიიღებენ პრაქტიკულ ვორქშოფებში, დისკუსიებსა და კულტურულ აქტივობებში და გაეცნობიან, თუ როგორ გრძელდება ევროკავშირის მიერ წვლილის შეტანა როგორც ადამიანების მომავალში, ისე სხვადასხვა სფეროსა და ბიზნესში მთელი საქართველოს მასშტაბით. დღის ბოლოს, მეღვინეობა "მოსმიერში" გაიმართება ჯგუფის "გამოუვალი მდგომარეობა" კონცერტი, რითაც "ევროპის დღე 2026" დასრულდება.

ევროპის დღის პროგრამა:

ვიზიტორებს საშუალება ექნებათ:

აღმოაჩინონ ევროკავშირისა და საქართველოს შორის არსებული 30-წლიანი პარტნიორობა, ევროკავშირის მიერ დაფინანსებული პროექტების შესახებ მოწყობილი გამოფენების საშუალებით.

აღმოაჩინონ ევროპული კულტურა, ქვიზები, ტრადიციები და გასტრონომია „ევროპის გუნდის“ (Team Europe) ინტერაქტიულ სივრცეში, რომელსაც ევროკავშირის წევრი ქვეყნების საელჩოები უმასპინძლებენ.

შეუერთდნენ უნიკალურ, ევროპულ-ქართულ სუფრას, რომლის კურატორია ინოვაციური შეფ-მზარეული თეკუნა გაჩეჩილაძე.

მიიღონ მონაწილეობა მასტერკლასებში, მათ შორის: "ღვინის ხელოვნება" თანამედროვე ხელოვან თამარ მაღლაფერიძე-დადეშქელიანთან ერთად, ღვინის დეგუსტაცია "საქართველოს 2026 წლის საუკეთესო სომელიე" თეონა თოხაძის ხელმძღვანელობით და ფოტოგრაფიის სახელოსნო გიორგი შენგელიასა და ნათელა გრიგალაშვილთან ერთად.

ჩაერთონ ინტერაქტიულ აქტივობებში: "მწვანე კუთხე", კახეთის ველოტურები, სამაგიდო თამაშები "თავსატეხთან" ერთად და ვირტუალური რეალობის მოგზაურობა ევროპის 20-ზე მეტ ქალაქში.

ისიამოვნონ საოჯახო აქტივობებით, მათ შორის: "ევროკავშირის ცოდნის ბორბალი" და საბავშვო თეატრალური წარმოდგენა "გაფუჭებული ტელეფონი".

დაესწრონ კულტურულ წარმოდგენებს, სადაც წარმოდგენილი იქნება ტრადიციული კახური მრავალხმიანობა "ახალი ბანას" შესრულებით და თელავის ცეკვის აკადემიის ევროპული ცეკვის საპრემიერო პროგრამა.

საღამოს კონცერტი

18:00 – მეღვინეობა მოსმიერი

ჯგუფი "გამოუვალი მდგომარეობა"

ევროპის დღის შესახებ:

ევროპის დღე, რომელიც ყოველწლიურად, 9 მაისს აღინიშნება, რობერტ შუმანის 1950 წლის დეკლარაციის პატივსაცემად დაწესდა, რომელმაც საფუძველი ჩაუყარა თანამედროვე ევროპის კავშირს — პროექტს, რომელიც მშვიდობას, თანამშრომლობასა და საერთო კეთილდღეობას ეფუძნება.

ევროკავშირისა და საქართველოს ურთიერთობების შესახებ:

ოცდაათ წელიწადზე მეტია, რაც ევროკავშირი საქართველოსთან მჭიდრო პარტნიორულ ურთიერთობას ინარჩუნებს და ხელს უწყობს ქვეყნის განვითარებას ცოდნის, ინვესტიციებისა და საერთო ღირებულებების საშუალებით. ევროკავშირი საქართველოს უდიდესი სავაჭრო პარტნიორი და ერთ-ერთი ყველაზე დიდი დონორია, რომელიც მხარს უჭერს ეკონომიკურ ზრდას, დემოკრატიულ განვითარებასა და ცხოვრების დონის ამაღლებას.