ნეპალის პოლიციის ინფორმაციით, ოთხშაბათს მომხდარი მასშტაბური წყალდიდობის შედეგად დაღუპულთა რაოდენობა 489-მდე გაიზარდა.

უწყების ცნობით, ცხედრები ყველაზე მეტად დაზარალებულ რასუვასა და ნუვაკოტის რაიონებში იპოვეს. თუმცა, დაღუპულთა უმრავლესობა ჩითვანის რაიონში აღმოაჩინეს, სადაც მდინარე ტრიშული მიედინება და მდინარე სეთი-განდაკის უერთდება.

ოფიციალურმა პირებმა გამოქვეყნეს 537 უცხოელი ტურისტის სია, რომელთა ადგილსამყოფელიც წყალდიდობის შემდეგ უცნობია. მათ შორის არიან:

  • 178 ინდოეთის მოქალაქე;

  • 65 ამერიკელი;

  • 53 უკრაინელი;

  • 51 მალაიზიელი;

  • 33 ავსტრალიელი;

  • 33 ბრიტანელი.

ნეპალის არმიის განცხადებით, ყველაზე მძიმედ დაზარალებული რეგიონებიდან 900-მდე ადამიანის ევაკუაცია განხორციელდა, რომელთა შორის 119 უცხოელი ტურისტია. არმიის სპიკერის თქმით, სამაშველო ოპერაციას ძლიერი წვიმა და ცვალიებადი ამინდი სერიოზულად აფერხებს.

შეგახსენებთ, 26 აგვისტოს მყინვარის ჩამოშლამ უზარმაზარი ტალახისა და ქანების მასა წარმოქმნა, რომელიც ჰიმალაის დასახლებებში დიდი სისწრაფით გავრცელდა და მთელი სოფლები წალეკა. სტიქიიდან ერთი დღის შემდეგ, სამძებრო-სამაშველო ჯგუფები ხუთშაბათს გადარჩენილებს ეძებდნენ.