"როდესაც ეუთო-ს საპარლამენტო ასამბლეა ითხოვს იმ კანონების გაუქმებას, რომელმაც ქვეყანა დაამშვიდა, დასკვნა მარტივია: კიდევ ერთხელ უნდა ეუთოს საპარლამენტო ასამბლეას ქვეყნის არევა", — ამის შესახებ ბრიფინგზე ირაკლი კობახიძემ განაცხადა. მისივე თქმით, ქვეყნის არევა თუ უნდათ, ამას დაუპირისპირდებიან.

"გამჭვირვალობამ ჩვენ მოგვცა იმის საშუალება, რომ ყველაფრისთვის თავისი სახელი დაგვერქვა და ამან დაამშვიდა ჩვენი ქვეყანა. რაც შეეხება შეკრებებისა და მანიფესტაციების შესახებ კანონმდებლობას, ხომ გახსოვთ, იცით რა ხდებოდა? 150-კაციანი ჯგუფი, ყოველდღიურად ერთი წლის განმავლობაში, კეტავდა რუსთაველის გამზირს. შემდეგ მივიღეთ კანონმდებლობაში ცვლილებები, რომელმაც ამის საშუალება მათ აღარ მისცა. ერთადერთი ქვეყანა იყო მსოფლიოში საქართველო, სადაც 150 კაცი ერთი წლის განმავლობაში კეტავდა ცენტრალურ გამზირს. მივიღეთ კანონმდებლობა და შესაბამისად, აღარ მივეცით 150 კაცს იმის საშუალება, რომ 4 მილიონი ადამიანისთვის შეექმნა პრობლემები. ამის გაუქმებას როცა ითხოვს ეუთო-ს საპარლამენტო ასამბლეა, ყველაფერი დღესავით ნათელია.

ამის შემდეგ დაიწყეს რა? როცა ვეღარ კეტავდნენ რუსთაველის გამზირს, დაიწყეს კარვების დადგმა ტროტუარებზე და ამით უქმნიდა 150 კაცი უკვე პრობლემას 4 მილიონ ადამიანს. ამის წინააღმდეგაც მივიღეთ კანონმდებლობა და ამ ყველაფერმა დაამშვიდა მთლიანობაში ჩვენი ქვეყანა.

[...]150 კაცს არ შეგიძლიათ დისკომფორტი შეუქმნათ 4 მილიონ ადამიანს, ეს არის. თორემ ტროტუარზე დგომა ყველას შეუძლია, დამერწმუნეთ, ასე წერია კანონში. ეს ერთი.
შესაბამისად, ჩვენ მივიღეთ კანონმდებლობა, რომელმაც დაამშვიდა ჩვენი ქვეყანა და როდესაც ეუთო-ს საპარლამენტო ასამბლეა ახლა ითხოვს იმ კანონმდებლობის გაუქმებას, რომელმაც ქვეყანა დაამშვიდა, ლოგიკური დასკვნა მარტივია: ანუ, კიდევ ერთხელ უნდა ეუთო-ს საპარლამენტო ასამბლეას ქვეყნის არევა, ხომ? ქვეყნის არევა თუ მათ უნდათ, რა თქმა უნდა, ამას დავუპირისპირდებით".

როდესაც ეუთო-ს საპარლამენტო ასამბლეა ითხოვს იმ კანონმდებლობის გაუქმებას, რომელმაც ქვეყანა დაამშვიდა, დასკვნა მარტივია: კიდევ ერთხელ უნდა ეუთო-ს საპარლამენტო ასამბლეას ქვეყნის არევა. ქვეყნის არევა თუ უნდათ, ამას დავუპირისპირდებით", — განაცხადა ირაკლი კობახიძემ ბრიფინგზე.