დიდი ბრიტანეთის პრემიერმინისტრი კირ სტარმერი თანამდებობიდან გადადგა, რამაც საზოგადოება კიდევ ერთხელ აალაპარაკა ქვეყნის ცვალებად პოლიტიკურ ლანდშაფტზე.

თუმცა, ამ პოლიტიკური ცვლილებების პარალელურად, დაუნინგ სტრიტის 10 ნომერში ერთი ნაცნობი ფიგურა უცვლელი რჩება. ფისომ, სახელად ლარიმ, პრემიერმინისტრის რეზიდენციაში ცხოვრების პერიოდში უკვე მეექვსე პრემიერი გააცილა.

დიდი ბრიტანეთის მთავრობის ოფიციალური წყაროების თანახმად, ლარი მინისტრთა კაბინეტის მთავარ მეთაგვედ 2011 წლიდან "მსახურობს". ლარი არაერთი პრემიერის ცვლილებას შეესწრო: დევიდ კამერონი, ტერეზა მეი, ბორის ჯონსონი, ლიზ ტრასი, რიში სუნაკი და ახლა უკვე კირ სტარმერიც.

ლარი რეზიდენციაში თაგვების პრობლემის მოსაგვარებლად თავშესაფრიდან მიიყვანეს. თუმცა, დროთა განმავლობაში ის დაუნინგ სტრიტის განუყოფელ ნაწილად იქცა. კატა ხშირად ჩანს პრემიერის რეზიდენციიდან გავრცელებულ ოფიციალურ სიახლეებსა და ფოტოებში.

ლარი და ბორის ჯონსონი

ლარი და ბორის ჯონსონი

ფოტო: Telegraph

ლარი და დევიდ კამერონი

ლარი და დევიდ კამერონი

ფოტო: MoPM

კირ სტარმერის გადადგომით დიდ ბრიტანეთში კიდევ ერთი სამთავრობო ეპოქა დასრულდა, თუმცა ლარის ვერავინ ჩამოართვა მეთაგვის პოსტი. ასე და ამგვარად, მან უკვე მეექვსე პრემიერმინისტრი გააცილა, თავად კი ჩუმად აგრძელებს ქვეყნის პოლიტიკური ისტორიის განვითარებაზე დაკვირვებას.