ესპანეთის პრემიერმინისტრ პედრო სანჩესის თვითმფრინავი, რომლითაც იგი ერევანში ევროპის პოლიტიკური გაერთიანების სამიტზე დასასწრებად მიემგზავრებოდა, ტექნიკური გაუმართაობის გამო იძულებული გახდა ანკარაში ავარიულად დაშვებულიყო. მან თურქეთის დედაქალში ერთი ღამე გაატარა და ორშაბათს, ხარვეზის აღმოფხვრისა და უსაფრთხოების სტანდარტული პროცედურების დაცვით გაფრინდა. ინფორმაციას თურქული პრესა ავრცელებს.

ესპანეთის ოფიციალური საინფორმაციო სააგენტო EFE, სამთავრობო წყაროებზე დაყრდნობით, განმარტავს, რომ Airbus A310-ს, რომელიც ოფიციალური მგზავრობისთვის გამოიყენება, ხარვეზი მადრიდიდან ერევნის მიმართულებით ფრენისას გაუჩნდა. თვითმფრინავის კურსი ანკარისკენ შეიცვალა.

შეგახსენებთ, გასული წლის სექტემბერში პრემიერმა პარიზში უკრაინის თემაზე გამართული შეხვედრა იმის გამო გამოტოვა, რომ ტექნიკური პრობლემის გამო მისი Falcon-ის ტიპის თვითმფრინავი იძულებული გახდა შუა ფრენისას მადრიდში დაბრუნებულიყო. მაშინ მან მოლაპარაკებებში მონაწილეობა ვირტუალურ რეჟიმში მიიღო.