სადაზღვევო კომპანია ალდაგში აგროდაზღვევის სეზონი დაიწყო. ფერმერებს, მთელი საქართველოს მასშტაბით, შეუძლიათ, დააზღვიონ მოსავალი ალდაგში და საუკეთესო პირობებთან ერთად ანაზღაურების უსწრაფესი სისტემით ისარგებლონ.

აგროდაზღვევის სახელმწიფო პროგრამის მხარდაჭერით, ფერმერებს სასურველი კულტურის დაზღვევა 70%-იანი სუბსიდიით შეუძლიათ, რაც ნიშნავს, რომ მათ დაზღვევის რეალური ღირებულების მხოლოდ 30%-ის გადახდა მოუწევთ და დაზღვევას საკმაოდ ხელმისაწვდომს ხდის. მხოლოდ გასული სამი წლის განმავლობაში ალდაგმა ფერმერებს 30 მილიონ ლარამდე ზარალი აუნაზღაურა.

“ალდაგისთვის აგროდაზღვევა ერთ-ერთი პრიორიტეტული მიმართულებაა. ალდაგში ვცდილობთ, ჩვენ დაზღვეულებს მათ საჭიროებებზე მაქსიმალურად მორგებული სადაზღვევო პაკეტები შევთავაზოთ, რაც წლიდან წლამდე ზრდის ნდობას, როგორც დაზღვევის, ისე ჩვენი კომპანიის მიმართ.“ — აცხადებენ ალდაგში.

აგროდაზღვევის ფარგლებში, მომხმარებლებს შეუძლიათ, დააზღვიონ ისეთი კულტურები, როგორებიცაა: ვაზი, მარცვლეული, პარკოსანი კულტურები, ბოსტნეული, ბაღჩეული, ხეხილი, კაკლოვანი და კენკროვანი კულტურები, სუბტროპიკული კულტურები და ციტრუსი. დაზღვევა გავრცელებულ რისკებს ანაზღაურებს: სეტყვას, წყალდიდობას, ქარიშხალს, საშემოდგომო ყინვას (ეს უკანასკნელი მხოლოდ ციტრუსოვანი კულტურებისთვის).

სერვისის მისაღებად, დაინტერესებულ ფერმერებს შეუძლიათ, მიმართონ ალდაგის რეგიონულ ფილიალებს: კახეთში, შიდა და ქვემო ქართლში, სამცხე-ჯავახეთში, იმერეთში, ქუთაისსა და აჭარაში.