დღეს იქნება მსჯელობა იმ კრიტერიუმებზე რომელსაც უნდა აკმაყოფილებდეს საპატრიარქოს კანდიდატი მათ შორის შესაძლოა ამაზეც [ასაკსა და განათლებაზეც] იყოს მსჯელობა, თუ დაისვა ეს საკითხი, — ამის შესახებ სინოდის სხდომის დაწყებამდე საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ ჟურნალისტებთან საუბრისას განაცხადა. მისი თქმით, დღევანდელი სხდომა პროცესუალური საკითხების მოწესრიგებას დაეთმობა.

"დღევანდელი სინოდის სხდომა დაეთმობა იმ პროცესუალური საკითხების მოწესრიგებას, რომელიც საჭირო არის იმ დიდი სამუშაოსთვის, რომელიც შემდგომში გვევალება. 3 კანდიდატის გამოცხადება მოხდება სინოდზე, მას შემდეგ რაც კენჭს უყრიან, მაგრამ ეს იქნება შემდეგი სინოდი და წინმსწრები იქნება გაფართოებული კრების. გაფართოებული კრება 40 დღიდან 2 თვის შუალედში უნდა ჩატარდეს, მას შემდეგ, რაც საქართველოს კათალიკოს-პატრიარქი გარდაიცვალა. დებულების გადახედვა არანაირად არ მოხდება, ამას სჭირდება გაფართოებული სხდომა. ამიტომ ნებისმიერი საკითხი გადაწყდება მკაცრად დებულების მიხედვით, რაც გააჩნია საქართველოს ეკლესიას. ...დღეს იქნება მსჯელობა იმ კრიტერიუმებზე რომელსაც უნდა აკმაყოფილებდეს საპატრიარქოს კანდიდატი მათ შორის შესაძლოა ამაზეც [ასაკსა და განათლებაზეც] იყოს მსჯელობა, თუ დაისვა ეს საკითხი", — განაცხადა სინოდის სხდომის დაწყებამდე საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ.