Bybit Georgia გლობალური ფინანსური კრიპტო კომპანია, საქართველოს ერთ-ერთ მთავარ რეგიონულ ჰაბად განიხილავს და ქვეყანაში ოპერაციების გაფართოებას გეგმავს. კომპანია უკვე ზრდის ინვესტიციებს, ავითარებს ადგილობრივ კრიპტო ეკოსისტემას და აძლიერებს თანამშრომლობას, როგორც კერძო, ისე საჯარო სექტორთან.

11 მარტს, Bybit-მა თბილისში ოფიციალური წარდგენის ღონისძიება გამართა, რომელიც პარტნიორ კომპანიებთან ერთად ჩატარდა, მათ შორის Mastercard, Pave Bank და Tether.

ღონისძიებას დაესწრნენ საქართველოს ეკონომიკისა და მდგრადი განვითარების მინისტრი მარიამ ქვრივიშვილი და საქართველოს ეროვნული ბანკის წარმომადგენლები, რომლებმაც კომპანიის საქართველოში ოპერირების დაწყებასა და ქვეყნის ფინანსური ეკოსისტემის განვითარებაში მის როლს მხარდაჭერა გამოუცხადეს.

ამ თანამშრომლობის ერთ-ერთი მთავარი მიმართულებაა Bybit Card — Mastercard-თან და Pave Bank-თან ერთად შექმნილი საგადახდო პროდუქტი, რომელიც მომხმარებლებს საშუალებას აძლევს გამოიყენონ კრიპტოაქტივები ყოველდღიურ გადახდებში, Mastercard-ის გლობალური ინფრასტრუქტურის საშუალებით.

Bybit Card ასევე ოფიციალურად წარადგინეს თბილისში გამართულ ღონისძიებაზე. ის ციფრული აქტივების რეალურ ეკონომიკაში ინტეგრაციის ერთ-ერთი პირველი პრაქტიკული მაგალითია საქართველოში.

“Mastercard-ში ჩვენი როლია ახალი ფინანსური ტექნოლოგიები დავაკავშიროთ იმ სანდო გლობალურ ინფრასტრუქტურასთან, რომელსაც მომხმარებლები და ბიზნესები ყოველდღიურად ეყრდნობიან. პარტნიორობა Bybit-თან ნათლად აჩვენებს, როგორ შეიძლება ტრადიციულმა გადახდის ქსელებმა და ციფრულმა ეკოსისტემებმა ერთად შექმნან ახალი შესაძლებლობები.” — განაცხადა დავით ზღუდაძემ, Mastercard-ის ვიცე-პრეზიდენტმა საქართველოში და სომხეთში.

Pave Bank-ის აღმასრულებელი დირექტორი სალიმ დანანი კი პროდუქტს უფრო ფართო კონტექსტში განიხილავს: “Bybit Card-ის გაშვება მნიშვნელოვანი ნაბიჯია ქვეყნის ციფრული ფინანსების ეკოსისტემის განვითარებისთვის. მსგავსი ინიციატივები კიდევ ერთხელ უსვამს ხაზს საქართველოს მზარდ როლს, როგორც რეგიონული ფინანსური ინოვაციის ჰაბს და რეგულატორის მხრიდან ფინანსური ინოვაციების მიმართ მკაფიო ფოკუსს."

Bybit საქართველოში ოპერირებს საქართველოს ეროვნული ბანკის მიერ გაცემული ლიცენზიების საფუძველზე — როგორც ვირტუალური აქტივების სერვისის პროვაიდერი (VASP) და საგადახდო სერვისის პროვაიდერი (PSP).

საქართველოს ეროვნული ბანკის პრეზიდენტის შეფასებით, მსგავსი კომპანიების შემოსვლა ფინანსური სექტორის განვითარებას უწყობს ხელს და ზრდის კონკურენციას გადახდების სფეროში.

“ჩვენთვის ძალიან სასიხარულოა მსგავსი კომპანიების შემოსვლა საქართველოს ბაზარზე. მნიშვნელოვანია ისიც, რომ ტრადიციულ საბანკო სექტორთან ერთად სულ უფრო მეტად ვითარდება არასაბანკო საფინანსო სექტორიც, რომელიც ვირტუალური აქტივების სერვისების მიმწოდებლებითაც არის წარმოდგენილი. სწორედ ერთ-ერთი მათგანი არის კრიპტო აქტივების ბაზარზე ლიდერი კომპანია Bybit, რომელსაც მილიონობით მომხმარებელი ჰყავს.“ — განაცხადა ნათია თურნავამ.

Bybit-ის აღმასრულებელი დირექტორი ბენ ჟოუ საქართველოს სტრატეგიულ არჩევანად განიხილავს: “ჩვენთვის მნიშვნელოვანია პროგნოზირებადი და მკაფიო რეგულაციები, სწორედ ასეთ გარემოს ვხედავთ საქართველოში. ეროვნული ბანკის გამჭვირვალე მიდგომა გვაძლევს შესაძლებლობას, აქ გრძელვადიანი ოპერაციები განვავითაროთ და რეგიონული ჰაბი შევქმნათ."

ამ ეტაპზე Bybit-ში საქართველოში უკვე 40-ზე მეტი თანამშრომელია დასაქმებული და კომპანია გუნდის მნიშვნელოვნად გაფართოებას გეგმავს.

240-ზე მეტ ქვეყანაში მოქმედი Bybit, MiCAR-ის ფარგლებში ევროკავშირის ბაზარზეც აქტიურად ფართოვდება. საქართველო ამ გლობალური სტრატეგიის ერთ-ერთი მნიშვნელოვანი მიმართულებაა.