21 მარტს, პრაღაში, 2019 წლის შემდეგ ყველაზე მასშტაბურ ანტისამთავრობო პროტესტზე, ათიათასობით ადამიანი შეიკრიბა — ისინი " უცხოური აგენტების შესახებ" კანონს აპროტესტებდნენ. ამის შესახებ ინფორმაციას The Kyiv Independent ავრცელებს.

დემონსტრანტები პრემიერმინისტრ ანდრეი ბაბიშისა და მისი ახალი კოალიციური მთავრობის პოლიტიკას დაუპირისპირდნენ. ზოგიერთი ორგანიზატორის შეფასებით, აქციას 200 000-მდე ადამიანი დაესწრო, რომლებიც ჩეხეთის დროშებს აფრიალებდნენ და ეჭირათ ბანერები წარწერით: "დავიცვათ დემოკრატია".

პროტესტის ლიდერებმა აღნიშნეს, რომ მთავრობამ შესაძლოა ქვეყანა ევროპული გზიდან ჩამოაშოროს და უნგრეთსა და სლოვაკეთთან დააახლოოს.

კრიტიკოსები განსაკუთრებით შეშფოთებულნი არიან შემოთავაზებული კანონით, რომელიც რუსეთის უცხოური აგენტების კანონმდებლობის მსგავსია და რომელიც მოსთხოვს უცხოური დაფინანსების მიმღებ არასამთავრობო ორგანიზაციებსა და ფიზიკურ პირებს სახელმწიფოში რეგისტრაციას.

დემონსტრანტები ასევე ეწინააღმდეგებიან საზოგადოებრივი მაუწყებლების დაფინანსების შეცვლის გეგმებს, რაც, კრიტიკოსების თქმით, გაზრდის მთავრობის კონტროლს მედიაზე. პროტესტს ბიძგი მისცა პარლამენტის ბოლოდროინდელმა გადაწყვეტილებამ ბაბიშის იმუნიტეტის შენარჩუნების შესახებ თაღლითობის საქმეზე, რაც ნებისმიერ შესაძლო სასამართლო განაჩენს მისი ვადის დასრულებამდე, 2029 წლამდე აფერხებს.

Deutsche Welle წერს, რომ ბაბიშმა, რომელიც მანამდე ორ მთავრობაში იყო პრემიერმინისტრი და მისმა მოძრაობამ ANO ("დიახ"), დიდ გამარჯვებას მიაღწია ოქტომბრის არჩევნებში, შემდეგ კი კოალიციური მთავრობის ფორმირებაზე შედგა შეთანხმება ორ მცირე პოლიტიკურ ჯგუფთან: "თავისუფლება და პირდაპირი დემოკრატია" და "მოტორისტები საკუთარი თავისთვის".

ახალმა კოალიციურმა მთავრობამ მნიშვნელოვნად დაიწყო ქვეყნის საგარეო და საშინაო პოლიტიკის გადახედვა.

ბაბიშმა უარყო ევროკავშირის გარემოსდაცვითი და მიგრაციული პოლიტიკის ძირითადი პრინციპები და უარი თქვა უკრაინისთვის ფინანსურ დახმარებაზე.

მისი მთავრობა ასევე ამზადებს კანონს უცხოელი აგენტების შესახებ, რომელიც არასამთავრობო ორგანიზაციებსა და ქვეყნის მოქალაქეებს, რომლებიც უცხოურ დახმარებას იღებენ, რეგისტრაცია გაიარონ, წინააღმდეგ შემთხვევაში დიდი ჯარიმები დაეკისრებათ.

პროტესტის ორგანიზატორის, არასამართავრობო ორგანიზაცია Million chvílek-ის თქმით, ქვეყანა შეიძლება უნგრეთისა და სლოვაკეთის გზას გაჰყვეს.