ოზურგეთში 55 წლის კაცი საკუთარ ავტომობილში ააფეთქეს, ამის შესახებ "გურიის მოამბე" წერს. მათი ცნობით, 55 წლის ზვიად ჯინჭარაძის (მეტსახელად "ჯუმათა") ავტომანქანა მაშინ აფეთქდა, როცა ის ქელეხიდან ბრუნდებოდა.

დაშავებულის მდგომარეობა მძიმეა. შემთხვევა ქალაქ ოზურგეთში, რესტორან "ბერმუხასთან" მოხდა.

"გურიის მოამბე" წერს, რომ ოზურგეთის "მედალფას" კლინიკაში აცხადებენ, რომ, "პაციენტს, ტერფის ძვლები აქვს დაზიანებული, შეგვეძლო აქ მკურნალობა. მაგრამ მისი დაჟინებული მოთხოვნით, თავისივე შესაძლებლობით წავიდა თბილისში, შემდგომი მკურნალობის მიზნით".

მათივე ცნობით, სავარაუდოდ, ასაფეთქებელი ნივთიერება დისტანციურ მართვაზე იყო დამონტაჟებული და აფეთქებაც მართვის პულტის მეშვეობით მოხდა.

ზვიად ჯინჭარაძე ბოლო წლებში ბიზნესით იყო დაკავებული. ადგილობრივი მედიის ცნობით, მისი სახელი და გვარი გასული საუკუნის 90-იან წლებში, რამდენიმე კრიმინალურ გარჩევაში ფიგურირებდა.