ნარკოდანაშაულის ბრალდებით დაკავებულ დიზაინერ დათუნა სულიკაშვილს 50 000-ლარიანი საპროცესო შეთანხმება გაუფორმდა — ამის შესახებ ინფორმაციას IPN ავრცელებს.

საპროცესო შეთანხმებით სულიკაშვილი დამნაშავედ იქნა ცნობილი და სასჯელის სახედ 6 თვით თავისუფლების აღკვეთა მიესაჯა. გარიგების პირობებით დიზაინერს 4-წელნახევარი პირობითი მსჯავრი განესაზღვრა და 50 000-ლარიანი ჯარიმის გადახდა დაეკისრა.

სულიკაშვილი 2025 წლის 9 დეკემბერს დააკავეს. ის გლდანის მე-8 დაწესებულებას 4 თვეში, 9 ივნისს დატოვებს. მას ბრალი სისხლის სამართლის კოდექსის 260-ე მუხლის მესამე ნაწილის "ა" ქვეპუნქტით ჰქონდა წარდგენილი, რაც განსაკუთრებით დიდი ოდენობით ნარკოტიკების შეძენა-შენახვას გულისხმობს, რაც უვადო, ან 20 წლამდე პატიმრობას ითვალისწინებს.