კანადის სკოლაში მომხდარ სროლაში ეჭვმიტანილი 18 წლის ქალი იყო, რომელსაც ფსიქიკური ჯანმრთელობის პრობლემები ჰქონდა. მან თავდაპირველად საკუთარი დედა და ძმა მოკლა, შემდეგ კი თავს დაესხა სკოლას, რომელშიც ადრე თავად სწავლობდა — ამის შესახებ პოლიციამ ოთხშაბათს განაცხადა. თუმცა გამომძიებლებს ამ დროისთვის ერთ-ერთი ყველაზე მასშტაბური მასობრივი მკვლელობის მოტივი არ დაუდგენიათ. ინფორმაციას Reuters ავრცელებს.

მკვლელმა, რომელიც პოლიციის თქმით, ჯესი ვან რუცელაარია, სროლის შემდეგ, სავარაუდოდ, თავი მოიკლა. პოლიციამ დაღუპულთა რაოდენობა თავდაპირველი 10-დან 9-მდე შეამცირა, მათ შორის თავად ვან რუცელაარიც შედის.

არსებული ინფორმაციით რუცელაარი არაერთხელ დააკავეს სამედიცინო შეფასების მიზნით.

Reuters წერს, რომ აშშ-ისგან განსხვავებით, კანადაში სკოლაში მსგავსი სროლები უკიდურესად იშვიათია. სროლის შედეგად ათობით ადამიანი დზიანდა, ხოლო ორი მძიმედ დაშავებული კვლავ საავადმყოფოში რჩება. ერთ-ერთი მათგანი, 12 წლის გოგონა სახელად მაია, სიცოცხლისთვის იბრძვის — მას თავისა და კისრის არეში აქვს ცეცხლსასროლი იარაღით მიყენებული ჭრილობები. პოლიციის ცნობით, ეჭვმიტანილი ადრე ამ სკოლაში სწავლობდა, თუმცა ოთხი წლის წინ სწავლა მიატოვა.