"აგროჰაბის" დამფუძნებელმა აკაკი ახვლედიანმა სამთავრობო ტელეკომპანია "რუსთავი 2-ის ეთერში განაცხადა, რომ ბიზნესის გადასაწყვეტი რამდენი მაღაზია ექნება ათი, თუ ასი.

"ის, რომ ქსელები ვითარდებიან ამაში მე ცუდს ვერაფერს ვერ ვხედავ, რა თქმა უნდა, ეს ბიზნესია და მას ათი მაღაზია ექნება, თუ ასი მაღაზია, მისი გადასაწყვეტია. ჩემს შემთხვევაში, პირადად სულ გვაქვს საქართველოში ცხრა მაღაზია, ისიც შარშან გავხსენით სამი მაღაზია აგროჰაბის, ექვსი მაღაზიით ვიყავით წარმოდგენილი აქამდე, მაგრამ ეს არის ბიზნესის გადასაწყვეტი რამდენი მაღაზია ექნება.

რაც შეეხება ურთიერთობას ადგილობრივ მეწარმეებთან, ჩვენს შემთხვევაში ბრუნვის 40% ადგილობრივი პროდუქციაა, რომელსაც ვიღებთ ფერმერებისგან. კიდევ ერთხელ გავიმეორებ, ეს არის ერთიანი ჯაჭვი, ეს იქნება დისტრიბუტორი, მწარმოებელი თუ სხვა უნდა იქნას ბალანსი დაცული და არ უნდა იყოს აღქმული ისე, რომ რითეილერი არის მონსტრი, რომელიც ამას ყველაფერს ხელს უშლის. აქ სეგმენტაციაა გასაკეთებელი. სწორედ ის კომისია, რომელიც შეიქმნა და მუშა შეხვედრები, რომელიც გვქონდა მთავრობასთან ამას ემსახურება, რომ ჩვენ დავიცვათ ყველას ინტერესი", — განაცხადა აკაკი ახვლედიანმა.

მანამდე ოცნების ხელისუფლების ეკონომიკის მინისტრმა მარიამ ქვრივიშვილმა განაცხადა, რომ "ევროპაში არის რეგულაცია ურბანული დაგეგმარების ფარგლებში, როდესაც ერთი უბანი ერთი მარკეტის პრინციპი მუშაობს" და დასძინა, რომ აღნიშნული პრაქტიკა "ჯანსაღ კონკურენციას ხელს უწყობს".