გრემის ჯილდოს მოპოვება უამრავი მუსიკოსისთვის ოცნებად და კარიერის მწვერვალად ითვლება. თუმცა, მათ შორის არიან ისეთებიც, რომლებმაც გრემის თითქმის 70-წლიანი ისტორიის განმავლობაში ჯილდოების კოლექციებიც კი დააგროვეს. წარმოგიდგენთ 10 მუსიკოსს, რომელმაც გრემის ისტორიაში ყველაზე მეტი გამარჯვება მოიპოვა:

10. სტივი უონდერი — 25 გრემი

ფოტო: Mclendon/AP/REX/Shutterstock

სტივი უონდერმა პირველი გრემი 1974 წელს, ალბომით Innervisions მოიგო. ის ერთადერთი შავკანიანი მუსიკოსია გრემის ისტორიაში, რომელსაც წლის საუკეთესო ალბომის ჯილდო 3-ჯერ აქვს მიღებული.

9. Jay-Z — 25 გრემი

ფოტო: New York Post

Jay-Z-მ თავისი პირველი გრემის ჯილდო 1999 წელს მიიღო. რეპერი საკუთარი მეუღლის — ბიონსეს შემდეგ, 88 ნომინაციით ისტორიაში მეორე ყველაზე მეტჯერ ნომინირებული მუსიკოსია.

8. პიერ ბულეზი — 26 გრემი

ფოტო: Getty Images

ფრანგმა კომპოზიტორმა პირველი გრემი 1968 წელს მოიპოვა. მას კარიერის განმავლობაში 67 გრემის ნომინაცია აქვს მიღებული.

7. ჯონ უილიამსი — 27 გრემი

უილიამსმა თავისი პირველი გრემი 1976 წელს, სტივენ სპილბერგის ფილმ Jaws-სთვის შექმნილი კომპოზიციით მოიგო. ბოლო გრემი მან 2024 წელს მოიპოვა, კარიერის განმავლობაში კი 76 ნომინაცია აქვს მიღებული.

6. ალისონ კრაუსი — 27 გრემი

ფოტო: AFP – Getty

ალისონმა პირველი გრემი 1991 წელს, სიმღერისთვის I've Got That Old Feeling მოიგო. მას კარიერის განმავლობაში 44 გრემის ნომინაცია აქვს მიღებული.

5. კენდრიკ ლამარი — 27 გრემი

ფოტო: Getty Images

კენდრიკ ლამარმა პირველი გრემის ჯილდო 2015 წელს მიიღო, 2026 წლის გრემის დაჯილდოებაზე კი ისტორიაში ყველაზე მეტი გრემის მფლობელი ჰიპ-ჰოპ არტისტი გახდა. მას ჯამში 66 ნომინაცია აქვს მიღებული.

4. ქვინსი ჯონსი — 28 გრემი

ქვინსი ჯონსმა პირველი გრემი 1964 წელს მიიღო, ბოლო კი — 2018 წელს. მან გარდაცვალებამდე 80 გრემის ნომინაცია დააგროვა.

3. ჩიკ კორეა — 29 გრემი

ფოტო: AP:Associated Press

ჯაზის პიანისტმა პირველი გამარჯვება 1976 წლის გრემის დაჯილდოებაზე მოიპოვა. ჯამში მას 72 ნომინაცია აქვს მიღებული.

2. გეორგ შოლტი — 31 გრემი

ფოტო: Terry's Photography

კომპოზიტორმა და დირიჟორმა კარიერაში პირველი გრემი 1963 წელს, საუკეთესო ოპერის ჩანაწერისთვის მიიღო. ის გრემის ჯილდოზე 74-ჯერ იყო ნომინირებული.

1. ბიონსე — 35 გრემი

ფოტო: Getty Images

ბიონსემ პირველი გრემის ჯილდო 2001 წელს, ჯგუფ Destiny's Child-თან ერთად დაიმსახურა. მომღერალს კარიერის განმავლობაში რეკორდული, 99 გრემის ნომინაცია აქვს მიღებული, ბოლო ჯილდო კი გრემის რიგით 67-ე დაჯილდოებაზე, ალბომისთვის Cowboy Carter მოიგო.