ეკონომიკისა და მდგრადი განვითარების სამინისტროს სააგენტო "აწარმოე საქართველოს" დირექტორის მოადგილე თორნიკე ზირაქიშვილი Eagle Hills Georgia-ს გენერალურ მენეჯერად დაინიშნა. ამის შესახებ ინფორმაციას Business Insider Georgia ავრცელებს. მათივე ცნობით, აქამდე ზირაქიშვილი Eagle Hills Georgia-ში სამეთვალყურეო საბჭოს წევრის პოზიციას იკავებდა.

2025 წლის იანვარში ოცნების ხელისუფლების მთავრობის ადმინისტრაციამ გაავრცელა ინფორმაცია იმის შესახებ, რომ დეველოპერული კომპანია Emaar Properties/Eagle Hills-ი საქართველოში $6 მლრდ მოცულობის ინვესტიციას განახორციელებდა. თანამშრომლობის მემორანდუმი კომპანიასა და ქართულ მხარეს შორის აბუ-დაბიში ოცნების ხელისუფლების პრემიერმინისტრ ირაკლი კობახიძის ვიზიტის ფარგლებში გაფორმდა.

ოცნების ხელისუფლების ეკონომიკისა და მდგრადი განვითარების მინისტრმა, მარიამ ქვრივიშვილმა და კომპანია "იგლ ჰილსის" დამფუძნებელმა, მოჰამედ ალი ალაბარმა საინვესტიციო შეთანხმებასა და საერთო კომპანიის ჩამოყალიბების შესახებ ხელშეკრულებას 2025 წლის 22 ოქტომბერს მოაწერეს ხელი, რომლის ფარგლებშიც "იგლ ჰილსი" თბილისსა და გონიოში დეველოპერულ პროექტებს განახორციელებს. მარიამ ქვრივიშვილის შეფასებით, მნიშვნელოვანია, რომ შეთანხმების თანახმად, საქართველო პროექტების პარტნიორად და კომპანიის 33%-იანი წილის თანამესაკუთრედ განისაზღვრა

მეტი Eagle Hills-ის პროექტზე: