თუ დღეს ქუჩაში 10 ადამიანს გააჩერებთ და ჰკითხავთ, რომელია მათი საყვარელი სიტკომი, დიდი შანსია, მინიმუმ რვამ დაუფიქრებლად გიპასუხოთ — Friends.

90-იან წლებში დაწყებული ეს ისტორია დღესაც, 2026 წელს, არ კარგავს აქტუალობას და კვლავ აერთიანებს თაობებს. სწორედ ამ უნივერსალურ სიყვარულზეა აგებული McDonald’s საქართველოს ახალი გლობალური კოლაბორაცია Friends-თან, რომელიც საქართველოში ოფიციალურად 15 იანვრიდან დაიწყო.

Friends-ის 30 წლის იუბილესთან დაკავშირებული საერთაშორისო კამპანიის ფარგლებში, რომელიც Warner Bros. Discovery Global Consumer Products-თან პარტნიორობით ხორციელდება, McDonald’s-ის გუნდმაც, 2026 წლიდან საქართველო გახადა იმ ქვეყნების ნაწილი, სადაც ეს გლობალური Friends კამპანია ოფიციალურად არის წარმოდგენილი.

კამპანიის მთავარი ელემენტია ლიმიტირებული FRIENDS Meal, რომელიც მომხმარებლებს საშუალებას აძლევს, საყვარელი სერიალი სრულიად ახალ ფორმატში განიცადონ. 15 იანვრიდან მაკდონალდსის რესტორნებში ხელმისაწვდომია სპეციალური მენიუ, რომლის არჩევანშიც შედის ბიგ მაკი, როიალ ჩიზბურგერი ან მაკქრისფი, ოთხი ჩიქენ მაკნაგეთსი და სპეციალურად ამ კამპანიისთვის შექმნილი მონიკას მარინარა სოუსი, იტალიური სტილის ტომატის სოუსი, პომიდვრის, ნივრის, ხახვისა და არომატული ბალახების ნაზავით.

FRIENDS Meal-ს თითოეულ კომპლექტს თან ახლავს ექვსიდან ერთ-ერთი ექსკლუზიური საკოლექციო ფიგურა, რომელიც სერიალის მთავარ პერსონაჟებს მათ ყველაზე დასამახსოვრებელ მომენტებში ასახავს: როსი მარსელთან ერთად, რეიჩელი ყავის სერვირებისას, მონიკა შეფის როლში, ფიბი გიტარით, ჩენდლერი და ჯოუი წიწილასა და იხვთან ერთად. ეს კოლექცია Friends-ის გულშემატკივრებისთვის არა მხოლოდ სათამაშო, არამედ სერიალთან ემოციური კავშირის გაგრძელებაა.

კამპანია მხოლოდ მენიუთი არ შემოიფარგლება. McDonald’s საქართველომ Friends-ის ატმოსფეროს გასაცოცხლებლად სპეციალური შოურუმი გოთუას Mcdonald’s-ის ავტოსადგომზე მოაწყო, სადაც წარმოდგენილია სერიალის ლეგენდარული დივანი, მონიკას სამზარეულოს ელემენტები და სხვა სიმბოლური დეტალები. შოურუმი დღის განმავლობაში ღიაა ყველა მომხმარებლისთვის, ხოლო შაბათ-კვირას (15:00-19:00 საათებში) სტუმრებს სხვადასხვა აქტივობები და საჩუქრები ელოდებათ. Friends-ის საკულტო დივნის ნახვა შესაძლებელია ვაკის მაკდონალდსშიც, ხოლო რუსთაველის ფილიალში სპეციალური ფოტოზონაა მოწყობილი.

გარდა ამისა, სპეციალურად ამ კოლაბორაციისთვის, მაკდონალდსის აპლიკაციაში ხელმისაწვდომია Friends თემატიკით შექმნილი შეთავაზებები, სადაც მომხმარებლებს შეუძლიათ, დაგროვებული ქულები ექსკლუზიურ მერჩებზე გადაცვალონ.

როგორც McDonald’s-ის გლობალური მარკეტინგის ხელმძღვანელი Morgan Flatley აღნიშნავს — “ეს კოლაბორაცია აერთიანებს ორ კულტურულ აიქონს, რომლებიც კავშირს, სითბოსა და გაზიარებული მომენტების სიხარულს წარმოადგენენ. Friends-ით შთაგონებული მენიუ კი გულშემატკივრებს უქმნის ახალ გზას გაერთიანებისთვის, იქნება ეს მეგობრებთან ერთად შეკრება რესტორანში, თუ დივანზე, სერიალის ყურება.”

FRIENDS Meal და Friends-ის თემატიკით შექმნილი სივრცეები საქართველოში კიდევ ერთხელ ადასტურებს, რომ McDonald’s მხოლოდ კვების ადგილი არ არის, ეს არის პლატფორმა, სადაც გლობალური კულტურა, ემოცია და გამოცდილება ერთ სივრცეში იყრის თავს.

Friends თემატიკით შექმნილი გარემო უკვე McDonald’s საქართველოშია, ლიმიტირებული დროით, მარაგის ამოწურვამდე.