"მე რომ პარლამენტში, მაღალი ტრიბუნიდან ვამხელდი (ლილუაშვილს) "ქოლ-ცენტრების" მფარველობაში, კოლექტიური კობახიძე-ვოლსკები ამბობდნენ, რომ ხაბეიშვილი პროვოკატორია", — ნათქვამია პატიმრობაში მყოფი ენმ-ის ლიდერის, ლევან ხაბეიშვილის გზავნილში, რომელსაც ადვოკატზე დაყრდნობით ტელეკომპანია "ფორმულა" ავრცელებს.

ხაბეიშვილის თქმით, "ახლა, როცა შიგნით დაჭამეს ერთმანეთი", აღმოჩნდა, რომ "თურმე მართალი ყოფილა".

"მე რომ პარლამენტში, მაღალი ტრიბუნიდან ვამხელდი (ლილუაშვილს) "ქოლ-ცენტრების" მფარველობაში, კოლექტიური კობახიძე-ვოლსკები ამბობდნენ, რომ ხაბეიშვილი არის პროვოკატორი. კონკრეტულ მისამართზე, მედიასთან ერთად მივდიოდი, სადაც „ქოლ-ცენტრი" იყო განთავსებული, მაშინაც მე და თქვენ (მედია) ვიყავით პროვოკატორები. ახლა, როცა შიგნით დაჭამეს ერთმანეთი, თურმე მართალი ვყოფილვარ. ბაღებზე, კალაძეზე, გვანცელაძეზე, არაერთი გამოძიება მაქვს წარმოებული და გამოქვეყნებული, მაშინაც პროვოკატორი ვიყავი, აქაც მართალი ვყოფილვარ", — წერია ლევან ხაბეიშვილის გზავნილში.

შეგახსენებთ, რომ სუს-ის ყოფილი უფროსი გრიგოლ ლილუაშვილი გუშინ, 23 დეკემბერს ქრთამის აღების ბრალდებით დააკავეს. მას 11-ან 15 წლამდე პატიმრობა ემუქრება.