უკრაინის ეროვნული ანტიკორუფციული ბიურო (NABU) და პროკურატურის სპეციალიზებული ანტიკორუფციული სამსახური (SAP) უკრაინის პრეზიდენტის ოფისის ხელმძღვანელის, ანდრეი ერმაკის სახლში ჩხრეკას ატარებენ.

"NABU და SAP აწარმოებენ საგამოძიებო მოქმედებებს (ჩხრეკას) უკრაინის პრეზიდენტის აპარატის ხელმძღვანელთან," — წერია საგამოძიებო უწყების მიერ გავრცელებულ ინფორმაციაში.

ანტიკორუფციული სააგენტოების ცნობით, საგამოძიებო მოქმედებები გამოძიების ფარგლებში მიმდინარეობს. გამოძიების დეტალებზე მოგვიანებით ისაუბრებენ.

პრეზიდენტის ადმინისტრაციის ხელმძღვანელმა, ანდრეი ერმაკმა დაადასტურა, რომ NABU და SAP მის საცხოვრებელ სახლში ჩხრეკას ატარებენ.

"დღეს, NABU და SAP მართლაც ატარებენ პროცედურულ მოქმედებებს ჩემს სახლში. გამომძიებლებს არანაირი დაბრკოლება არ აქვთ", — დაწერა ერმაკმა.

მისივე თქმით, მან ანტიკორუფციული სამსახურის წარმომადგენლებს "ბინაში სრული წვდომა" მისცა.

"ჩემი ადვოკატები ადგილზე იმყოფებიან და სამართალდამცავ ორგანოებთან თანამშრომლობენ". "სრულ ვთანამშრომლობ გამოძიებასთან", — დაწერა პრეზიდენტის ადმინისტრაციის ხელმძღვანელმა.

ერმაკის პოსტში არ არის მითითებული, იმყოფება თუ არა ის ჩხრეკის ადგილზე.