სუხიშვილები — მოძრაობა, რომელიც არ ჩერდება

საქართველოს ბანკი სუხიშვილების მთავარი სპონსორია

“ქართულ ცეკვას აქვს ის უხილავი, სულიერი ბირთვი, მუხტი, რომელიც ჩოხით შემოსილ სხეულისა და მოძრაობების სინთეზს, იმპულსურად მიმართავს ქართული მიხრა-მოხრისკენ“ — ეს სუხიშვილებია, ეროვნულ საგანძურად ქცეული ნაციონალური ბალეტი, რომელიც ძველ ტრადიციებთან ერთად ინოვაციებს აერთიანებს და ამ ჰარმონიული სინთეზით მუდმივ, ნოვატორულ განვითარებას არ წყვეტს.

სწორედ მუდმივი მოძრაობა და გამბედაობა იქცა სუხიშვილების ვიდეოს მთავარ შთაგონებად და ინსპირაციად, რომელიც კრეატიული სტუდია Joy Boy-მ შექმნა.

ვიდეო სუხიშვილების ანსამბლის მსოფლიოსთვის გაცნობას ისახავს მიზნად — 15 000-ზე მეტი წარმოდგენა, 100-ზე მეტი ქვეყანა, 80-ზე მეტი წელი — ეს მხოლოდ დასაწყისია.

“პროექტზე მუშაობის პროცესში დიდი წვლილი ფაიერ ფროდაქშენს მიუძღვის. ჩვენი ამოცანა მსოფლიოსთვის სუხიშვილების რაობის მოყოლა იყო იმ ვიდეოსა და განახლებული ლოგოს მეშვეობით, რომელსაც ანსამბლი საკუთარი მრავალმილიონიანი აუდიტორიის წინაშე — იაპონიასა, ინგლისსა თუ ახალ ზელანდიაში წარადგენს. ამიტომ, ვეცადეთ მთავარი სათქმელი ანსამბლის 80 წლიანი ისტორიით, უამრავი წარმოდგენით, ფეხზე მდგარი ლა სკალათი, უნიკალური ტანისამოსებითა და მოძრაობებით გამოგვეხატა, რომელიც მაყურებელს, უნივერსალური ენით გაუზიარებს სათქმელს. მადლობა გვინდა გადავუხადოთ ამ პროექტში ჩართულ ყველა ადამიანს“, — აღნიშნავს კრეატიული სტუდია JoyBoy-ის შემოქმედებითი ხელმძღვანელი გიორგი კვიტატიანი.