2026 წლის 1-ლი იანვრიდან ბიზნესომბუდსმენის აპარატის ლიკვიდაციის შემდეგ, მოქმედი ბიზნესომბუდსმენი ოთარ დანელია ეკონომიკის მინისტრის მრჩევლად დაინიშნება და ბიზნესომბუდსმენის მოვალეობას შეასრულებს. ამის შესახებ "საქართველოს ბიზნესომბუდსმენის შესახებ საქართველოს კანონის" ძალადაკარგულად გამოცხადების თაობაზე" კანონპროექტის განმარტებით ბარათში წერია.

"2025 წლის 31 დეკემბერს თანამდებობაზე მყოფი ბიზნესომბუდსმენი 2026 წლის 1 იანვრიდან მიღებულ იქნეს საქართველოს ეკონომიკისა და მდგრადი განვითარების მინისტრის მრჩევლად და შეასრულოს ბიზნესომბუდსმენის უფლებამოსილება.

2026 წლის 1 იანვრიდან თანამდებობებიდან გათავისუფლდნენ ბიზნესომბუდსმენი და მისი მოადგილეები და მიეცეთ კომპენსაცია 3 თვის თანამდებობრივი სარგოს ოდენობით," — წერია განმარტებით ბარათში.

ოცნების პარლამენტის ცნობით, ბიზნესომბუდსმენის აპარატის ლიკვიდაციის შედეგად გათავისუფლებულ თანამშრომლებს კომპენსაციის სახით სამი თვის თანამდებობრივი სარგო მიეცემათ.

"საქართველოს ბიზნესომბუდსმენის შესახებ" საქართველოს კანონი 2015 წლის 5 ივნისიდან ამოქმედდა და მისი მთავარი ფუნქცია იყო განეხორციელებინა მედიაცია კერძო სექტორსა და სახელმწიფოს შორის.

შეგახსენებთ, 1 აგვისტოდან მრჩევლების თანამდებობა ანაზღაურებადი აღარ არის