დღეს, 15 საათზე, თბილისიდან გატაცებული აზერბაიჯანელი ჟურნალისტის, აფგან მუხტარლის ადვოკატი, არჩილ ჩოფიკაშვილი საპარლამენტო კომისიის შექმნის თაობაზე, ქართველ დეპუტატებს საქმის მასალებს გააცნობს.

ლეილა მუსტაფაევას თქმით, მისი ქმრის გაუჩინარებიდან მეხუთე თვეა, ქართულმა პოლიციამ და პროკურატურამ კი საქმის გამოძიება ვერ შეძლო:

"გამოძიების მიმდინარეობისას, სახელმწიფო სტრუქტურებმა უამრავი დაღვევა ჩაიდინეს და ხელი დააფარეს აფგან მუხტარლის გატაცებაში მონაწილე პირებს.

მეხუთე თვეა, თბილისიდან გატაცებული აზერბაიჯანელი გამომძიებელი ჟურნალისტი, აფგან მუხტარლი ბაქოს ციხეში იმყოფება და წინასწარი პატიმრობა აქვს მისჯილი. აზერბაიჯანის ხელისუფლება ჟურნალისტს სახელმწიფო საზღვრის უკანონოდ გადაკვეთას და კონტრაბანდას ედავება, თუმცა ჟურნალისტის პასპორტი და სხვა დოკუმენტები თბილისშია. თავად მუხტარლი კი ამბობს, რომ ის საქართველოს დედაქალაქიდან კრიმინალური პოლიციის ფორმიანმა პირებმა გაიტაცეს.

საქართველოში შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. აფგან მუხტარლის და ლეილა მუსტაფაევას საქმეს განიხილავს ევროპის ადამიანის უფლებათა დაცვის საერთაშორისო სასამართლო საქმეს მინიჭებული აქვს პრიორიტეტი.