თბილისის საქალაქო სასამართლომ თბილისში, 4 ოქტომბერს განვითარებულ მოვლენებთან დაკავშირებით დაკავებულ კიდევ ათ პირს: გენადი კელიხაშვილს, დათო ღურწკაიას, რამაზ ჯორბენაძეს, ჯანდრი თირქიას, გია თოლორაიას, გური ჟვანიას, კახაბერ კვაჭანტირაძეს, სიმონ მახარაძეს, ავთანდილ თოფჩიშვილს და მიხეილ თოლორაიას აღკვეთის ღინისძიების სახით პატიმრობა შეუფარდა.

გადაწყვეტილება მოსამართლე ლელა კალიჩენკომ მიიღო და ბრალდების მხარის შუამდგომლობა დააკმაყოფილა.

ცნობისთვის, ათივე ბრალდებულს პროკურატურა 4 ოქტომბრის აქციაზე სტრატეგიული და განსაკუთრებული მნიშვნელობის მქონე ობიექტის ჯგუფურად ხელში ჩაგდების მცდელობას, ჯგუფური ძალადობის ორგანიზებასა და მასში მონაწილეობას ედავება.